+7 (701) 759 90 19
-7 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

ادىلەت مينيسترلىگى 10 جىل ازىرلەنگەن جاڭا كودەكس تۋرالى ايتتى

25 قاراشا 21:47
:ءبولىسۋ
ادىلەت مينيسترلىگى 10 جىل ازىرلەنگەن جاڭا كودەكس تۋرالى ايتتى

نۇر- سۇلتان. قازاقپارات - IX ازاماتتىق فورۋمدا ق ر اكىمشىلىك راسىمدىك- پروتسەستىك كودەكسىنىڭ نەگىزگى ارتىقشىلىقتارى تالقىلاندى، دەپ حابارلايدى قازاقپارات ءتىلشىسى.

ق ر ادىلەت ءمينيسترى مارات بەكەتايەۆتىڭ ايتۋىنشا، ق ر اكىمشىلىك راسىمدىك- پروتسەستىك كودەكسى 2021 -جىلدىڭ 1-شىلدەسىندە كۇشىنە ەنەدى.

«بۇل ۇلكەن جانە ماڭىزدى قۇجات، ءبىز ونى ۇزاق ۋاقىت بويى ازىرلەدىك. بۇل ادىلەت مينيسترلىگىنىڭ عانا جۇمىسى ەمەس، بارلىق مەملەكەتتىك ورگانداردىڭ، سونىڭ ىشىندە جوعارعى سوتتىڭ جۇمىسى. جالپى، ءبىزدىڭ ەلىمىز بۇل زاڭعا 10 جىلدان استام ۋاقىت بويى ازىرلەندى. كەلەسى جىلدىڭ 1-شىلدەسىندە كۇشىنە ەنەتىن قۇجاتقا ۇلكەن ءۇمىت ارتامىز. قازىر ۇلكەن دايىندىق، ءتۇسىندىرۋ جۇمىستارى ءجۇرىپ جاتىر. اقپاراتتىق جۇيەلەر زاڭنىڭ جاڭا نورمالارىنا سايكەس تۇزەتىلەدى»، - دەدى مارات بەكەتايەۆ.

كودەكستىڭ باستى ماقساتتارىنىڭ ءبىرى - ازاماتتارعا باسقارۋ شەشىمدەرىن قابىلداۋ پروتسەسىنە بەلسەندى قاتىسۋعا مۇمكىندىك بەرەتىن كەپىلدىكتەردى بەكىتۋ، ازاماتتاردىڭ قۇقىقتارىن قورعاۋدىڭ، جوعارى ورگانداردىڭ نەمەسە سوت بيلىگى ورگاندارىنىڭ داۋلاردى قاراستىرۋىنىڭ ءتيىمدى تەتىكتەرىن ورناتۋ.

«وسىعان بايلانىستى كودەكس ەكى نەگىزگى باعىتتان تۇرادى: اكىمشىلىك راسىمدەر جانە اكىمشىلىك سوت ءىسىن جۇرگىزۋ. ءبىرىنشىسى ىشكى جانە سىرتقى اكىمشىلىك راسىمدەردى، ەكىنشىسى - كوپشىلىك- قۇقىقتىق داۋلار بويىنشا سوت ءىسىن جۇرگىزۋدى قامتيدى. اكىمشىلىك راسىمدەردى رەتتەۋ بويىنشا كودەكستە مىناداي نەگىزگى ەرەجەلەر كوزدەلگەن: ءبىرىنشىسى - اكىمشىلىك ورگان تۇسىنىگى بەكىتىلەدى. بۇل نە ءۇشىن قاجەت؟ ەگەر مەملەكەتتىك ەمەس سۋبەكت ازاماتتاردىڭ قۇقىقتارىن ىسكە اسىرۋعا باعىتتالعان شەشىمدەر قابىلداسا، ول كودەكستەگى كەپىلدىكتەردى ساقتاۋعا مىندەتتى. ەكىنشى - زاڭدى تۇلعالاردى بيلىك سۋبەكتىلەرىنىڭ قيانات جاساۋىنان قورعاۋ بويىنشا جاڭا قاعيداتتار ەنگىزىلۋدە. ءۇشىنشىسى - بيلىك ورگاندارى ازاماتتارعا قاتىستى باسقارۋ شەشىمىن قابىلداعاندا كەرى بايلانىستى قامتاماسىز ەتەتىن راسىمدىك كەپىلدىكتەر بەكىتىلەدى»، - دەپ ءتۇسىندىردى ادىلەت مينيسترلىگى زاڭناما دەپارتامەنتىنىڭ ديرەكتورى ارمان كەنجەعاليەۆ.

ونىڭ ايتۋىنشا، نەگىزگى ەرەجە - بيلىك سۋبەكتىلەرى تۇپكىلىكتى شەشىم قابىلداۋ الدىندا ازاماتتىڭ پىكىرىن تىڭداۋعا مىندەتتى.

«سونىمەن بىرگە، كودەكس داۋلارعا سوتقا دەيىنگى مىندەتتى شاعىمدانۋ ينستيتۋتىن ەنگىزەدى. شاعىمداردى قاراۋ پروتسەسى جەدەلدەتىلگەن تۇردە 20 كۇندە جۇرگىزىلەدى. بۇل ينستيتۋت ازاماتتاردىڭ ماسەلەلەرىن تەز شەشۋگە، ۋاقىت پەن سوت شىعىندارىن ۇنەمدەۋگە مۇمكىندىك بەرەدى. كودەكس ەرەجەلەرىن ازىرلەۋ جۇمىسى ساراپشىلارمەن جانە عالىمدارمەن ءتۇرلى الاڭداردا تالقىلاندى، ۆەنەتسيا كوميسسياسىنىڭ وڭ قورىتىندىلارى الىندى. اكىمشىلىك ادىلەت جۇيەسىن ەنگىزۋ مەملەكەت پەن قوعام اراسىنداعى قارىم - قاتىناسقا جاڭا سەرپىن بەرەدى دەپ ۇمىتتەنەمىز»، - دەدى ا. كەنجەعاليەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات