+7 (701) 759 90 19
-20 °С : نۇر-سۇلتان
-5 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

اقمولا وبلىسىندا 12 پەداگوگ جالعان ديپلوممەن جۇمىس ىستەگەن

20 قازان 17:25
:ءبولىسۋ
اقمولا وبلىسىندا 12 پەداگوگ جالعان ديپلوممەن جۇمىس ىستەگەن

كوكشەتاۋ. قازاقپارات - اقمولا وبلىسىندا 12 پەداگوگتىڭ اۋىلدىق جەرلەردە جالعان ديپلوممەن جۇمىس ىستەگەنى انىقتالدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بۇل مۇعالىمدەر ماتەماتيكا، قازاق تىلدەرى پاندەرىنەن ساباق بەرىپ كەلگەن.

«ماسەلەن، 2020 -جىلدىڭ 16 - قازانىندا پوليتسيا قىزمەتكەرلەرى وڭىردەگى اۋىلداردىڭ بىرىندە تۇراتىن 31 جاستاعى ايەلدىڭ جالپى ءبىلىم بەرەتىن مەكتەپكە پەداگوگ رەتىندە جۇمىسقا ورنالاسۋى ءۇشىن اۋداندىق ءبىلىم بولىمىنە جوعارى ءبىلىم جونىندە جالعان ديپلوم بەرگەنىن انىقتادى.

«جالعان پەداگوگتىڭ ۇستىنەن قىلمىستىق كودەكستىڭ 385-بابى 3-بولىگى («جالعان قۇجات، شتامپ، ءمور، بلانك، پوشتا تولەمىنىڭ مەملەكەتتىك بەلگىسى، مەملەكەتتىك ناگرادا جاساۋ جانە ساتۋ») بويىنشا ءىس قوزعالدى. كۇدىكتى قىلمىسىن مويىندادى. ول ديپلومنىڭ جالعان ەكەنىن بىلگەن جانە ونى ساتىپ الۋ ءۇشىن قىرۋار اقشا تولەگەن»، - دەدى ۆەدومستۆودان.

ايتا كەتەيىك، ديپلومى جالعان بولىپ شىققان مۇعالىمدەردىڭ بارلىعى 2 جىلدان استام ۋاقىت جۇمىس ىستەگەن.

اۆتور: اسلان وسپانوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات