USD 416.91 EUR 446.47
RUB 7.34 CNY 62.53
جاڭالىقتار

الماتىدا تارتىپسىزدىكتەر بارىسىندا لاڭكەستەر 1347 قارۋ ۇرلادى - قانات تايمەردەنوۆ

17 قاڭتار 07:44
:ءبولىسۋ
الماتىدا تارتىپسىزدىكتەر بارىسىندا لاڭكەستەر 1347 قارۋ ۇرلادى - قانات تايمەردەنوۆ

نۇر- سۇلتان. قازاقپارات - الماتىدا تارتىپسىزدىكتەر بارىسىندا لاڭكەستەر 1347 قارۋ ۇرلادى. بۇل تۋرالى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ بۇگىن ورتالىق كوممۋنيكاتسيالار قىزمەتىندە بولعان ونلاين بريفينگىدە ايتتى، دەپ حابارلايدى قازاقپارات ءتىلشىسى.

«مەن قوعامدىق قاۋىپسىزدىكتى قامتاماسىز ەتۋ، ازاماتتاردىڭ ءومىرى مەن مۇلكىن قورعاۋ ماقساتىندا ارنايى جەدەل جوسپار ەنگىزدىم. دابىل بويىنشا گارنيزوننىڭ بارلىق جەكە قۇرامى كوتەرىلدى. قالا كوشەلەرىندە، ساياباقتاردا، الاڭداردا قوسىمشا پوليتسيا جاساقتارى مەن ۇلتتىق ۇلاننىڭ اسكەري قىزمەتكەرلەرى قويىلدى. ستراتەگيالىق نىساندار مەن تىرشىلىكتى قامتاماسىز ەتۋ، نىسانداردى قورعاۋ كۇشەيتىلدى. وسى ۋاقىتتا لاڭكەستەر ءبىر مەزگىلدە قالانىڭ ءار جەرىندە پاترۋلدىك جاساقتارعا شابۋىلداي باستادى»، - دەدى قانات تايمەردەنوۆ.

وسى ورايدا ۇرلانعان قارۋدىڭ سانىن جاريالاندى.

«لاڭكەستەردىڭ باسقا توپتارى ءبىر ۋاقىتتا قارۋ- جاراق دۇكەندەرىن باسىپ الدى. ولار سول جەردەن قارۋ- جاراق پەن وق- ءدارىنى يەمدەندى. بارلىعى بۇگىنگى تاڭدا 1347 قارۋ ۇرلانعان. ونىڭ ىشىندە 501 مىلتىق، 807 ءسى تەگىس ۇڭعىلى جانە 39 گاز- تراۆماتيكالىق قارۋ. وسىنىڭ بارلىعى ناقتى ۇيىمداستىرىلعان. ولاردىڭ ءىس- ارەكەتى توپ جەتەكشىلەرىمەن ۇيلەستىرىلدى»، - دەدى دەپارتامەنت باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات