سينوپتيكتەر 13 وڭىردە ەسكەرتۋ جاريالادى
25 مامىر 19:30

سينوپتيكتەر 13 وڭىردە ەسكەرتۋ جاريالادى

نۇر- سۇلتان. قازاقپارات - «قازگيدرومەت» ر م ك 26- مامىردا اۋا رايىنىڭ ناشارلاۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، نۇر- سۇلتان قالاسىندا كۇننىڭ ەكىنشى جارتىسىندا نايزاعاي كۇتىلەدى. وڭتۇستىك- شىعىستان جەل سوعادى، نايزاعاي كەزىندە ەكپىنى 15-20 م/س ارتادى. كۇندىز تۇركىستان وبلىسىنىڭ تاۋلارىندا نايزاعاي، داۋىل بولادى. وبلىستىڭ سولتۇستىگىندە، باتىسىندا شاڭدى داۋىل سوعادى.

كۇندىز جەلدىڭ كۇشى 25 م/س جەتەدى. كۇندىز شىمكەنت قالاسىندا وڭتۇستىك- باتىستان سوققان جەل سولتۇستىك- باتىسقا اۋىسىپ، جىلدامدىعى 15-20 م/س ارتادى. شىعىس قازاقستان وبلىسىنىڭ جارما اۋدانىندا توتەنشە ءورت قاۋپى ساقتالادى.

كۇندىز اقمولا وبلىسىنىڭ سولتۇستىك- باتىسىندا، وڭتۇستىگىندە نايزاعاي، بۇرشاق، شاڭدى داۋىل بولجانادى. وڭتۇستىك- شىعىستان سوعاتىن جەلدىڭ ەكپىنى كۇندىز 23 م/س جەتۋى ىقتيمال. قىزىلوردا وبلىسىنىڭ ورتالىعىندا جەل باتىستان، سولتۇستىك- باتىستان سوعادى، كۇشى 15-20 م/س قۇرايدى.

ءوڭىردىڭ ورتالىعىندا توتەنشە ءورت قاۋپى ساقتالادى. اقتوبە وبلىسىنىڭ شىعىسىندا، وڭتۇستىگىندە نايزاعاي، بۇرشاق كۇتىلەدى. تۇندە ءوڭىردىڭ باتىسىندا، سولتۇستىگىندە توپىراق بەتىندە 2 گرادۋس ۇسىك كۇتىلەدى. جەلدىڭ ەكپىنى 15-20 م/س ارتادى.

كۇندىز قوستاناي وبلىسىنىڭ باسىم بولىگىندە جاڭبىر جاۋادى. ءوڭىردىڭ ورتالىعىندا جانە سولتۇستىك- شىعىسىندا قاتتى جاڭبىر كۇتىلەدى. وبلىستىڭ سولتۇستىك جارتىسىندا - نايزاعاي، بۇرشاق، داۋىل، وڭتۇستىگىندە، وڭتۇستىك- شىعىسىندا شاڭدى داۋىل بولجانادى. جەلدىڭ كۇشى 23-28 م/س جەتۋى مۇمكىن.

تۇندە باتىس قازاقستان وبلىسىنىڭ سولتۇستىك- باتىسى مەن سولتۇستىگىندە توپىراق بەتىندە 2 گرادۋس ۇسىك كۇتىلەدى.

كۇندىز قاراعاندى وبلىسىنىڭ باتىسىندا، سولتۇستىگىندە جەلدىڭ كۇشى 15-20 م/س جەتەدى. كۇندىز 36 گرادۋس قاتتى ىستىق بولۋى ىقتيمال. كۇندىز سولتۇستىك قازاقستان وبلىسىنىڭ سولتۇستىگىندە، باتىسىندا، وڭتۇستىك- باتىسىندا نايزاعاي، داۋىل، بۇرشاق، شاڭدى داۋىل كۇتىلەدى.

جەلدىڭ جىلدامدىعى 25 م/س ارتادى. ماڭعىستاۋ وبلىسىندا نايزاعاي، تۇمان بولجانادى. كۇندىز جامبىل وبلىسىنىڭ سولتۇستىگىندە 38 گرادۋسقا دەيىن قاتتى ىستىق كۇتىلەدى.

جاڭالىقتار