+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاندىق 18 جاستاعى فۋتبولشى بەلارۋستىڭ جوعارى ديۆيزيون كلۋبىنا اۋىستى

18 قىركۇيەك 21:29
:ءبولىسۋ
قازاقستاندىق 18 جاستاعى فۋتبولشى بەلارۋستىڭ جوعارى ديۆيزيون كلۋبىنا اۋىستى

نۇر-سۇلتان. قازاقپارات - 18 جاستاعى قازاقستاندىق الداير ءادىلوۆ بەلارۋستىڭ «ەنەرگەتيك» - ب گ ۋ جوعارى ديۆيزيونىنىڭ كلۋبىمەن كەلىسىم شارتقا وتىردى، دەپ حابارلايدى قازاقپارات سپورت جۋرناليسى ايدىن قوجاحمەتتىڭ Telegram-كانالىنا سىلتەمە جاساپ.

الداير ءادىلوۆ 2017-جىلعا دەيىن «استانا» دايىندىق توبىنىڭ جۇيەسىندە جاتتىققان ەدى، كەيىنىرەك «مارسەت» يسپان اكادەمياسىنا اۋىستى.

بەلارۋستىڭ «ەنەرگەتيك» - ب گ ۋ فۋتبول كلۋبى بولاشاعىنان ءۇمىت كۇتتىرەتىن ويىنشىعا نازار اۋدارىپ، ەكى جاق كەلىسىمشارتقا قول قويدى.

ايتا كەتەيىك، الداير ورتالىق جارتىلاي قورعاۋشى پوزيتسياسىندا وينايدى. ول تەحنيكانى جاقسى مەڭگەرگەن جانە فۋتبول الاڭىندا ءوزىن ەركىن ۇستايدى. سونىمەن قاتار ەڭبەك سۇيگىشتىگىمەن دە كوزگە تۇسكەن.

بەلارۋستىڭ ءىرى اقپارات اگەنتتىگى بەلتانىڭ ايتۋىنشا، «ەنەرگەتيك» - ب گ ۋ كلۋبى الداير ادىلوۆپەن كەلىسىمشارتقا وتىرۋ جونىندە تۇبەگەيلى شەشىمگە كەلگەن.

«قازىرگى تاڭدا قۇجاتتار راسىمدەلۋدە. جاڭا ويىنشى كەلەسى اپتانىڭ باسىندا، ياعني دۇيسەنبىدە كوماندا قۇرامىنا رەسمي تۇردە قوسىلادى دەپ جوسپارلانىپ وتىر»، - دەيدى بەلتا.

«2 جىل بۇرىن «ەنەرگەتيكادا» - ب گ ۋ- دا قازاقستاندىقتار - جارتىلاي قورعاۋشى ۆلاديسلاۆ ۆاسيليەۆ پەن قورعاۋشى جاحونگير حودجاموۆ ونەر كورسەتكەن بولاتىن.

ۆاسيليەۆ سول جەردەن «دينامو-برەستكە» كوتەرىلىپ، قازىرگى تاڭدا «رۋحتا» ويىن كورسەتىپ ءجۇر» دەپ اتاپ ءوتتى ايدىن قوجاحمەت.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات