+7 (701) 759 90 19
-7 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

«گرەممي-2021»: كىم كوپ نوميناتسياعا ۇسىنىلدى

26 قاراشا 09:29
:ءبولىسۋ
«گرەممي-2021»: كىم كوپ نوميناتسياعا ۇسىنىلدى

نيۋ-يورك. قازاقپارات - ا ق ش ونەر جانە دىبىس جازۋ تەحنيكاسى ۇلتتىق اكادەمياسى «گرەممي-2021» نومينانتتارىنىڭ ءتىزىمىن جاريالادى.

امەريكالىق ءانشى بەيونسە وتە كوپ اتالىمعا ۇمىتكەر رەتىندە تىركەلگەن، دەپ حابارلايدى قازاقپارات Euronews اگەنتتىگىنە سىلتەمە جاساپ.

بەيونسە 9 سانات بويىنشا مۋزىكالىق «وسكار» جۇلدەسى ءۇشىن كۇرەسەدى، ونىڭ ىشىندە ەڭ بەدەلدىسى - «جىل جازباسى». وعان «قارا ناسىلدىلەردىڭ ءومىرىنىڭ ءمانى بار» دەگەن ۇرانمەن قارسىلىق شارالارىنىڭ ءانۇرانىنا اينالعان «Black Parade « ءانى ۇسىنىلعان.

ودان كەيىنگى ورىندا بريتاندىق دۋا ليپا تۇر. 25 جاستاعى ءانشى جانە اندەردىڭ اۆتورى ەكى جىل بۇرىن ۇزدىك جاڭا ورىنداۋشى رەتىندە «گرەممي» سىيلىعىن العان، ال قازىر التى ماراپاتتان ءۇمىتتى.

ونىڭ «Future Nostalgia» كۇيتاباعى «جىل البومى» ساناتىندا باق سىناپ جاتىر. مۇندا دۋا ليپانىڭ باسەكەلەسىنىڭ ءبىرى كانتري-پوپ-ءانشى تەيلور سۆيفت. ونىڭ وقشاۋلانۋ كەزىندە جازىلعان «Folklore « البومى ستريمينگ سەرۆيستەر اراسىندا تىڭدالىم سانى بويىنشا كوپتەگەن رەكورد ورناتىپ، ءتىپتى گيننەس رەكوردتار كىتابىنا ەندى.

امەريكالىق رەپپەر روددي ريچ ءتارىزدى سۆيفت تە التى اتالىمعا ۇمىتكەر. ونىڭ «The Box» كومپوزيتسياسى «جىل ءانى» اتانۋى مۇمكىن.

ال DaBaby-مەن جازىلعان «Rockstar» سينگلى «جىل جازباسى ساناتىندا نومينانتتار تىزىمىنە ەندى. بايقاۋدىڭ 63-ماراپاتتاۋ ءراسىمى 31 - قاڭتاردا، جەكسەنبى كۇنى وتەدى.

ەسكە سالا كەتسەك، يمانبەك زەيكەنوۆتىڭ (Imanbek) SAINt JHN- تىڭ Roses انىنە جازعان رەميكسى «گرەممي» سىيلىعىنا ۇمىتكەر قاتارىندا.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات