224 تۋريست مىسىردان قازاقستانعا ۇشا الماي قالدى

شارم- ەش- شەيح. قازاقپارات - قازاقستانعا مىسىردان ۇشىپ كەلۋى ءتيىس بولعان 224 تۋريست ءبىر تاۋلىككە كەشىگىپ جاتىر، دەپ حابارلايدى قازاقپارات ءتىلشىسى.

«SCAT» اۋە كومپانياسىنىڭ Boeing-757 ۇشاعىن ۇشۋ الدىنداعى دايىندىقتان وتكىزۋ كەزىندە قوسىمشا جوندەۋ جۇرگىزۋ قاجەت ەكەنى انىقتالدى. مىسىردان اقتوبەگە ۇشپاق بولعان جولاۋشىلار all-inclusive فورماتىنداعى قوناقۇيلەرگە ورنالاستىرىلدى. ولار جەرگىلىكتى ۋاقىتپەن 12.00 دە ۇشۋ كەرەك بولاتىن. بارلىق ترانسفەر مەن قوناقۇيدەگى شىعىنداردى اۆياكومپانيا كوتەرەدى. رەيس 26 -قاراشادا جەرگىلىكتى ۋاقىتپەن 12.00-دە ۇشادى دەپ جوسپارلانىپ وتىر. باسقا قالادا تۇراتىن جولاۋشىلار اقتوبە قالاسىندا ءۇش مەزگىل تاماق پەن بارلىق جاعدايى جاسالعان قوناقۇيلەرگە ورنالاستىرىلادى. ۇشۋ 21.00-گە جوسپارلاندى»، - دەپ حابارلادى قازاقپارات تىلشىسىنە «SCAT» اۋە كومپانياسىنىڭ قوعاممەن بايلانىس ءبولىمىنىڭ جەتەكشىسى ۆيكتوريا ستاروجيلوۆا.

ونىڭ ايتۋىنشا، تاعى ءبىر تاۋلىگىن مىسىردا وتكىزەتىن جولاۋشىلاردىڭ سانى - 224.