جاپونيا اۋكسيونىندا ەكى قاۋىن 23,5 مىڭ دوللارعا ساتىلدى
26 مامىر 15:56

جاپونيا اۋكسيونىندا ەكى قاۋىن 23,5 مىڭ دوللارعا ساتىلدى

توكيو. قازاقپارات - جاپونياداعى اۋكسيوندا ەكى «يۋباري» سورتتى قاۋىنى 23,5 مىڭ دوللارعا ساتىلدى، دەپ حابارلايدى قازاقپاراتتىڭ مەنشىكتى ءتىلشىسى Kyodo اگەنتتىگىنە سىلتەمە جاساپ.

بەيسەنبىدە جاپونيانىڭ حوككايدو ارالىندا بيىلعى ءبىرىنشى اۋىل شارۋاشىلىعى اۋكسيونىندا يۋباري قاۋىندارى 3 ميلليون يەنگە (شامامەن 23,5 مىڭ دوللار) ساتىلدى.

اۋكتسيوندا بارلىعى 2721 قاۋىن ساتىلدى. حوككايدو ارالىنىڭ جەرگىلىكتى فەرمەرلەرى جاپونيا نارىعىنا 2,03 ميلليارد يەن (شامامەن 15,7 ميلليون دوللار) سوماسىنداعى 3,4 مىڭ توننا قاۋىن جەتكىزۋدى جوسپارلاپ وتىر.

Kyodo-نىڭ حابارلاۋىنشا، جاپونياداعى العاشقى اۋىلشارۋاشىلىق اۋكسيوندارىندا باقشا ونىمدەرىنىڭ جوعارى ساپالى سورتتارى ادەتتە ەڭ جوعارى باعامەن ساتىلادى.

«يۋباري» قاۋىنى بۇل اتاۋعا يۋباري قالاشىعىندا (حوككايدو ارالى) وسىرىلگەندىكتەن يە بولعان.

بۇعان دەيىن حابارلانعانداي، 2022-جىلدىڭ باسىنان باستاپ جاپونيا بيلىگى الەمدەگى ەڭ ءىرى مەگاپوليستەردە - نيۋ-يورك، لوس-اندجەلەس، بانگكوك، سينگاپۋردە ازىق-تۇلىك ەكسپورتى پلاتفورمالارىن ىسكە قوستى.

ق ح ر مەن ە و- دا وسىعان ۇقساس الاڭدار قۇرۋ جوسپاردا بار. 2030-جىلعا قاراي توكيو اۋىل شارۋاشىلىعى، ورمان جانە بالىق ونىمدەرىنىڭ جىلدىق ەكسپورتىن 38,6 ميلليارد دوللارعا جەتكىزۋدى جوسپارلاپ وتىر.

جاڭالىقتار