12 ءساۋىر 00:19

قارىز الۋشى جەڭىلدەتىلگەن اۆتونەسيەنى 2 جىلدا ءبىر رەت قانا الا الادى

نۇر- سۇلتان. قازاقپارات - قارىز الۋشىعا 2 جىلدىڭ ىشىندە ءبىر رەتتەن ارتىق اۆتونەسيە الۋعا تىيىم سالاتىن شەكتەۋ بار.

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى مالىمدەدى، دەپ حابارلايدى قازاقپارات ءتىلشىسى.

ۆەدومستۆونىڭ اقپاراتىنا قاراعاندا، جەڭىل اۆتوموبيلدەردى ساتىپ الۋعا نەسيە بەرۋ كەلەسى شارتتار بويىنشا جۇزەگە اسىرىلادى:

• سىياقى مولشەرلەمەسى - %4؛

• نەسيەلەندىرۋ سوماسى - 10 ميلليون تەڭگەدەن ارتىق ەمەس؛

• قارجىلاندىرۋ مەرزىمى - 7 جىلدان ارتىق ەمەس؛

• باستاپقى جارنا -%0 - دان باستاپ؛

• كولىك قۇرالىنىڭ قۇنى - 15 ميلليون تەڭگەدەن اسپايدى.

اۆتونەسيەنى ەكىنشى دەڭگەيدەگى بانكتەر بەرەتىن بولادى.

«قارجىلاندىرۋدىڭ اشىقتىعىن قامتاماسىز ەتۋ ءۇشىن مينيسترلىكتەرمەن مىندەتتى شارت كوزدەلگەن. وعان سايكەس ەكىنشى دەڭگەيدەگى بانكتەردە قارىز الۋشىلارعا قارجىلاندىرۋدى ۇسىنۋدىڭ مارتەبەسى مەن مەرزىمىن قاداعالايتىن اۆتوماتتاندىرىلعان جۇيە بولۋى ءتيىس. سونداي- اق قارىز الۋشىعا ەكى جىلدىڭ ىشىندە ءبىر رەتتەن ارتىق اۆتونەسيە الۋعا تىيىم سالاتىن شەكتەۋ ەنگىزىلگەن»، دەپ اتاپ وتەدى مينيسترلىكتەن.

ايتا كەتەيىك، ق ر يندۋستريا جانە ينفراقۇرىلىمدىق دامۋ مينيسترلىگى ەكولوگيا، گەولوگيا جانە تابيعي رەسۋرستار مينيسترلىگىمەن بىرلەسىپ، «جاسىل دامۋ» ا ق قاراجاتى ەسەبىنەن قازاقستاننىڭ ازاماتتارىنا جەڭىلدەتىلگەن اۆتونەسيە بەرۋ جانە اۆتوبۋس پاركىن جاڭارتۋ بويىنشا باعدارلاما ازىرلەدى. جەڭىلدەتىلگەن نەسيە باعدارلاماسى بويىنشا قارجىلاندىرۋ سوماسى شامامەن 100 ميلليارد تەڭگەنى قۇرايدى. وڭىرلەردەگى اۆتوبۋستار پاركىن جاڭارتۋ ءۇشىن 30 ميلليارد تەڭگەگە جۋىق قاراجات بولىنەدى.

سونداي-اق... وقىڭىز

جاڭالىقتار