قازاقستان قورجىنىنا دۇنيەجۇزىلىك گيمنازيادانىڭ العاشقى 3 كۇنىندە 8 التىن ءتۇستى
19 مامىر 10:55

قازاقستان قورجىنىنا دۇنيەجۇزىلىك گيمنازيادانىڭ العاشقى 3 كۇنىندە 8 التىن ءتۇستى

نۇر-سۇلتان. قازاقپارات - قازاقستاندىق وقۋشىلار دۇنيەجۇزىلىك گيمنازيادانىڭ العاشقى 3 كۇنىندە 14 مەدال جەڭىپ الدى، دەپ حابارلايدى قازاقپارات.

«وتكەن اپتادا ءبىز 250-گە جۋىق وقۋشىمىزدى اۋەجايعا بارىپ، فرانسياعا شىعارىپ سالدىق. ولار العاش رەت دۇنيەجۇزىلىك گيمنازياداعا قاتىسىپ، الەمنىڭ 70-كە جۋىق ەلىنەن كەلگەن قۇرداستارىمەن باق سىناسىپ جاتىر. جارىستىڭ العاشقى 3 كۇنىندە وقۋشىلارىمىز 14 مەدال جەڭىپ الدى. ۇلتتىق قۇراما قورجىنىندا 8 التىن، 3 كۇمىس جانە 3 قولا مەدال بار. دزيۋدو، تاەكۆوندو جانە ءجۇزۋ جارىستارىنا قاتىسۋشىلار التىن، جەڭىل اتلەتتەر مەن دزيۋدوشىلار كۇمىس، سونداي-اق دزيۋدوشىلار مەن تاەكۆوندوشىلار قولا جۇلدەگەر اتاندى» دەپ جازدى ق ر ءبىلىم جانە عىلىم ءمينيسترى اسحات ايماعامبەتوۆ تەلەگرام كانالىندا.

مينيستر بارلىق جەڭىمپازدى لايىقتى جەڭىسىمەن قۇتتىقتاي كەلە «ءار مەدال - ەڭبەكتىڭ، تاباندىلىقتىڭ، ەڭبەكقورلىق پەن ءتارتىپتىڭ جەمىسى. جاقسى دايىندىق دەڭگەيىن كورسەتكەن مۇعالىمدەرىڭىز بەن جاتتىقتىرۋشىلارىڭىزعا، سونداي- اق قولداۋ كورسەتكەن اتا-انالارىڭىزعا العىس ايتامىن» دەپ ءتۇيدى ءسوزىن.

ايتا كەتەيىك، بۇعان دەيىن قازاقستان العاش رەت دۇنيەجۇزىلىك وقۋشىلار گيمنازياداسىنا قاتىسىپ جاتقانىن جازعان ەدىك.

جاڭالىقتار