+7 (701) 759 90 19
-1 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

تايقازاننىڭ 300 كەلىگە جۋىقتايتىن كوشىرمەسى جاسالدى

19 قىركۇيەك 12:41
:ءبولىسۋ
تايقازاننىڭ 300 كەلىگە جۋىقتايتىن كوشىرمەسى جاسالدى

تۇركىستان. قازاقپارات - تايقازاننىڭ تۇركىستان قالاسىنا قايتا اكەلگەن كۇنىنە وراي «بەرەكە، بىرلىكتىڭ سيمۆولى - تايقازان» كورمەسى اشىلدى، دەپ حابارلايدى قازاقپارات ءتىلشىسى «ازىرەت سۇلتان» مەملەكەتتىك تاريحي-مادەني قورىق-مۋزەيىنە سىلتەمە جاساپ.

«بۇگىن قاسيەتتى تايقازاننىڭ اراعا 54 جىل سالىپ ەلگە ورالعانىنا - 31 جىل. كيەلى تايقازان مەملەكەت جانە قوعام قايراتكەرى وزبەكالى جانىبەكوۆتىڭ باستاماسىمەن 1989-جىلى 18- قىركۇيەك كۇنى قوجا احمەت ياساۋي كەسەنەسىنە جەتكىزىلىپ، تاريحي كۇننىڭ بىرىنە اينالدى. كورمەنىڭ ماقساتى - كيەلى تايقازاننىڭ جاسالۋ، تاريحي ورنىنا ورالۋ جانە جاساعان ۇستانىڭ ەسىمى مەن جاسالعان ورنىنىڭ تاريحىمەن تانىستىرۋ، ءتول تاريحىمىزدى ناسيحاتتاۋ بولىپ تابىلادى. بيىلعى شارانىڭ ەرەكشەلىگى تايقازان كوشىرمەسىن جاساپ جۇرگەن تانىمال قولونەر شەبەرلەرىنىڭ دە جۇمىستارى تانىستىرىلۋدا»، - دەدى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆ.

كەسەنەگە كەلۋشىلەردى كورمە جادىگەرلەرى اراسىنداعى اعاشتان جاسالعان الىپ تايقازان ەرەكشە قىزىقتىردى. تايقازان كوشىرمەسىنىڭ اۆتورلارى - شىمكەنت قالاسىنداعى 90№ دارىندى بالالارعا ارنالعان مامانداندىرىلعان مەكتەپ-گيمنازياسىنىڭ ۇستازدارى قىدىرعالي اگيبايەۆ، پەردەحان تانسيحوۆ جانە بولات سەرىكبەكوۆ.

«تايقازان جەتى ءتۇرلى مەتالدان جاسالعانى بەلگىلى. ءبىز دە سوعان نەگىزدەپ جەتى ءتۇرلى اعاشتى قولداندىق. ياعني، ءوز ەلىمىزبەن قاتار، ا ق ش، وڭتۇستىك كورەيا، رەسەي، وزبەكستان، قىرعىزستان سىندى جەتى ەلدىڭ ساپالى اعاشتارىنان جاسالعان. نەگىزگى نۇسقاسىنا لاجى بارىنشا كەلتىرۋگە تىرىستىق. كوشىرمەنى جاساپ شىعۋعا ءبىر جارىم جىلداي ۋاقىت جۇمسالدى. سالماعى 300 كەلىگە جۋىقتايدى. ءتۇپنۇسقا تايقازاننىڭ ويۋ-ورنەكتەرى مەن وزگە دە ەلەمەنتتەرىن ءدال ءتۇسىرىپ، جازۋلارىنان قاتەلىك جىبەرمەۋ ءۇشىن ارنايى مامانداردىڭ كومەگىنە جۇگىندىك. تايقازاندى جاساۋعا شىمكەنت قالاسىنداعى 90№ دارىندى بالالارعا ارنالعان مامانداندىرىلعان مەكتەپ- گيمنازياسىنىڭ ءۇش ۇستازى وقۋشىلارعا اعاش جونۋ، كەسۋ، جەلىمدەۋ سىندى جۇمىستاردى ۇيرەتە وتىرىپ جاسادىق. شاكىرتتەرىمىز ءۇشىن بۇل جۇمىس ەڭ ەرەكشە تاجىريبە بولدى دەپ ويلايمىز»، - دەدى اعاش شەبەرى قىدىرعالي اگيبايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات