USD 416.91 EUR 446.47
RUB 7.34 CNY 62.53
جاڭالىقتار

باس پروكۋراتۋرا: قۇقىق قورعاۋ وكىلدەرىنىڭ ارەكەتىنە بايلانىستى 32 ارىز ءتۇستى

16 قاڭتار 03:51
:ءبولىسۋ
باس پروكۋراتۋرا: قۇقىق قورعاۋ وكىلدەرىنىڭ ارەكەتىنە بايلانىستى 32 ارىز ءتۇستى

نۇر-سۇلتان. قازاقپارات - ەلدە جاپپاي تارتىپسىزدىكتەر باستالعاننان بەرى پروكۋراتۋراعا قۇقىق قورعاۋ وكىلدەرىنىڭ ارەكەتىنە بايلانىستى 32 ارىز تۇسكەن، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن بريفينگىدە ق ر باس پروكۋراتۋراسى قىلمىستىق قۋدالاۋ قىزمەتىنىڭ باستىعى سەرىك شالابايەۆ وسىنداي مالىمەت ايتتى.

«بۇگىنگى تاڭدا تەرگەۋ جەدەل توپتارى 546 قىلمىستىق ءىستى تەرگەۋدە. ونىڭ ىشىندە 44 ءى تەرروريزم اكتىلەرى، 34 ءى جاپپاي تارتىپسىزدىكتەر، 15 ءى ادام ءولتىرۋ بويىنشا. ۋاقىتشا ۇستاۋ يزولياتورىنا قىلمىس جاسادى دەگەن 672 كۇدىكتى ۇستالدى. ونىڭ 446 سى سوتتىڭ سانكسياسىمەن قاماۋعا الىندى. قۇجاتتاردى تەكسەرگەننەن كەيىن جانە ۇستاۋعا نەگىز بولماعاندىقتان پروكۋراتۋرا ورگاندارى 100 دەن استام ازاماتتى بوساتتى. قازىرگى ۋاقىتتا قاجەتتى تەرگەۋ امالدار جۇرگىزىلۋدە. قىلمىستىق پروتسەستە ازاماتتاردىڭ قۇقىقتارىن قامتاماسىز ەتۋ ماقساتىندا ادام قۇقىقتارى جونىندەگى ۋاكىلمەن جانە باسقا دا قۇقىق قورعاۋ ۇيىمدارىنىڭ وكىلدەرىمەن ءوزارا ارەكەتتەسۋ ماسەلەلەرى شەشىلدى. ولارعا جەتكىزىلگەن جانە ۇستالعان ادامداردى ۇستاۋ ورىندارىنا كىرۋ قامتاماسىز ەتىلدى. سول ارقىلى زاڭسىز كۇش قولدانۋ، مەديتسينالىق كومەك كورسەتپەۋ جانە قورعاۋشىلاردى كىرگىزبەۋ جاعدايلارىنا تاۋەلسىز تەكسەرۋ جۇرگىزىلەدى»، - دەگەن سەرىك شالابايەۆ.

سونداي-اق، ول ادىلەتسىزدىككە تاپ بولدىم دەپ ەسەپتەيتىن تۇرعىندارعا قايدا حابارلاسۋ كەرەك ەكەنىن ءتۇسىندىردى.

«رەسپۋبليكالىق ادۆوكاتتار القاسىمەن بىرلەسىپ ۋاقتىلى جانە بىلىكتى زاڭ كومەگىن كورسەتۋ ماسەلەسى شەشىلدى. قازىرگى ۋاقىتتا پروكۋراتۋراعا قۇقىق قورعاۋ ورگاندارىنىڭ ارەكەتىنە 32 ارىز كەلىپ ءتۇستى. بۇل وتىنىشتەر تەكسەرىلۋدە، ءتيىستى شارالار قابىلدانادى. ەگەر ازاماتتار ءوز قۇقىقتارى بۇزىلدى دەپ ەسەپتەسە، باس پروكۋراتۋراعا «115» ءنومىرى بويىنشا نەمەسە تىكەلەي اۋماقتىق پروكۋراتۋرالارعا حابارلاسا الادى»، - دەدى باس پروكۋراتۋرا وكىلى.

اتالمىش بريفينگىدە باس پروكۋراتۋرا توتەنشە جاعداي كەزىندە قازا بولعانداردىڭ جالپى سانىن اتادى.

ايتا كەتەيىك، كەشە پرەزيدەنت قاسىم-جومارت توقايەۆ كۇشتىك قۇرىلىمداردىڭ باسشىلارىمەن كەڭەس وتكىزىپ ، قازاقستاندا، سونىڭ ىشىندە الماتىدا بولعان قايعىلى جاعدايلاردى جان-جاقتى زەرتتەۋ قاجەتتىگىن ايتقان بولاتىن.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات