مۇعالىم 39 ساعات رەپ وقىپ، رەكوردتار كىتابىنا ەندى
26 مامىر 13:40

مۇعالىم 39 ساعات رەپ وقىپ، رەكوردتار كىتابىنا ەندى

نۇر-سۇلتان. قازاقپارات - يسپانيادا مۇعالىم بولىپ جۇمىس ىستەيتىن بريتاندىق ەر ادام فريستايلدا 39 ساعات 37 مينۋت 54 سەكۋند رەپ ايتىپ، گيننەستىڭ رەكوردتار كىتابىنا ەندى.

DAlcon ساحنالىق ەسىمىن قولداناتىن 35 جاستاعى دەنيەل الكون يسپانيانىڭ ۆالەنسيا قالاسىندا ەڭ ۇزاق رەپ- مارافون (جەكە) بويىنشا گيننەس رەكوردتار كىتابىنا ەندى.

بۇعان دەيىن 2021 -جىلعى ارەكەتتە الەمدىك رەكوردقا ءبىر ساعاتقا كەم تۇسكەن الكون فريستايلدا 39 ساعات، 37 مينۋت 54 سەكۋند ونەر كورسەتىپ، رەكوردتى ءساتتى اياقتادى.

بۇعان دەيىنگى 33 ساعات 33 مينۋت 16 سەكۋندتىق رەكوردتى 2020 -جىلى امەريكالىق رەپەر ۋوتسكي ورناتقان بولاتىن.

الكون YouTube جەلىسىندە ءوزىنىڭ رەپ- مارافونىن تىكەلەي ەفيردە كورسەتتى.

«كوپ ۇلەس قوسقان مەنىڭ بۇكىل كومانداما جانە ونى تىكەلەي ەفيردە كورۋگە كەم دەگەندە ءبىر سەكۋند ارناعان ادامدارعا راحمەت»، - دەپ جازدى الكون ءوزىنىڭ جاڭا رەكوردىن جاريالاعان Facebook جازباسىندا.


جاڭالىقتار