USD 416.91 EUR 446.47
RUB 7.34 CNY 62.53
جاڭالىقتار

الماتى تراگەدياسى: 405 قىلمىستىق ءىس تەرگەلىپ جاتىر

17 قاڭتار 11:46
:ءبولىسۋ
الماتى تراگەدياسى: 405 قىلمىستىق ءىس تەرگەلىپ جاتىر

الماتى. قازاقپارات - الماتى قالاسىنىڭ پروكۋرورى بەرىك جۇيرىكتايەۆ مەگاپوليستەگى قوعامدىق قاۋىپسىزدىكتى قالپىنا كەلتىرۋ جۇمىستارى تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قالاداعى جاعداي تۇراقتالدى. قازىر تاجىريبەلى قۇقىق قورعاۋ ورگاندارىنىڭ اراسىنان قۇرىلعان جەدەل توپ جۇمىس ىستەپ جاتىر.

«قازىر قۇقىق قورعاۋ ورگاندارى 405 قىلمىستىق ءىستى تەرگەپ جاتىر. قاراقشىلار مەن تەرروريستەرگە قاتىستى جازا تەرگەۋدىڭ قورىتىندىسى بويىنشا قابىلدانادى. وقيعا ورنىنان كوپتەگەن دالەلدەر، زاتتاي ايعاقتار مەن قىلمىس ىزدەرى الىندى. پروكۋراتۋرا ادام قۇقىقتارى جونىندەگى ۋاكىلمەن، ۇكىمەتتىك ەمەس ۇيىمدارمەن، ادۆوكاتتار القاسىمەن بىرلەسە وتىرىپ، قىلمىستىق پروتسەستىڭ بارلىق ساتىلارىندا ازاماتتاردىڭ كونستيتۋتسيالىق قۇقىقتارىن قامتاماسىز ەتۋ بويىنشا جۇمىس جۇرگىزۋدە. ءبىز ازاماتتاردىڭ بارلىق وتىنىشتەرىنە جاۋاپ بەرەمىز. بىزدە سەنىم تەلەفونى بار»، - دەدى قالا پروكۋرورى.

سونىمەن قاتار، ول تۇرعىندار ءانونيمدى تۇردە ۆيدەو نەمەسە سۋرەتتەرمەن بولىسە الاتىن «تەرروريزمدى توقتاتۋ» ينتەرنەت- رەسۋرسى قۇرىلعانىن ءمالىم ەتتى.

«بۇگىنگى كۇنى ۋاقىتشا ۇستاۋ يزولياتورىنان 91 ادامدى بوساتتىق. 100 تۇلعانىڭ جازاسى اكىمشىلىك تۇردە جەڭىلدەتىلدى. بۇل جۇمىس جالعاسىن تابادى»، - دەيدى بەرىك جۇيرىكتايەۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات