USD 416.91 EUR 446.47
RUB 7.34 CNY 62.53
جاڭالىقتار

الماتى وبلىسىنداعى شەكارا قىزمەتىنىڭ عيماراتىن 500 گە جۋىق ادام باسىپ الماق بولعان - ۇ ق ك

15 قاڭتار 10:57
:ءبولىسۋ
الماتى وبلىسىنداعى شەكارا قىزمەتىنىڭ عيماراتىن 500 گە جۋىق ادام باسىپ الماق بولعان - ۇ ق ك

الماتى وبلىسى. قازاقپارات - 2022-جىلعى 5- قاڭتاردا شوقپار، دىبىستىق گراناتا جانە ارماتۋرامەن قارۋلانعان 500 گە جۋىق ادام ۇ ق ك شەكارا قىزمەتى الماتى وبلىسى بويىنشا دەپارتامەنتىنىڭ عيماراتىن باسىپ الماق بولدى.

بۇل تۋرالى قازاقپارات ق ر ۇ ق ك شەكارا قىزمەتىنە سىلتەمە جاساپ حابارلايدى.

پەريمەتر بويىمەن ورنالاسقان بەينە كامەرالاردى ىستەن شىعارعان شابۋىلشىلار عيمارات ىشىندەگى قارۋعا قول جەتكىزۋدى كوزدەدى.

دەپارتامەنتتىڭ نىساندارىن قورعاۋعا قالعان شەكاراشىلار جەكە قۇرامنىڭ كۇشىمەن شابۋىلشىلاردى ىعىستىرا الدى.

كۇندىزگى ساعات ەكى شاماسىندا شابۋىلشىلار كورشى ورنالاسقان الماتى قالاسى بويىنشا ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى باسقارماسىنىڭ عيماراتىن باسىپ الىپ، ونى ورتەپ جىبەردى.

ءورت ءسوندىرۋ ماشينالارى جەتكەنشە شەكاراشىلار ءورتتى ءوز كۇشتەرىمەن سوندىرۋگە كىرىسىپ كەتتى جانە پروكۋراتۋرانىڭ 57 قىزمەتكەرىن، ق ر قورعانىس مينيسترلىگىنىڭ 2 كۋرسانتىن شەكارا قىزمەتى دەپارتامەنتىنىڭ اۋماعىنا ەۆاكۋاتسيالادى. ءدال وسىلايشا، شەكاراشىلار قىلمىسكەرلەردىڭ 7 ءورت ءسوندىرۋشىنى تۇتقىنعا الۋ ارەكەتىنە جول بەرمەي، ولاردى ش ق دەپارتامەنتىنىڭ اۋماعىندا جاسىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات