قازاقستاننىڭ 5 وڭىرىندە قاتتى ىستىق ساقتالادى
28 ماۋسىم 08:38

قازاقستاننىڭ 5 وڭىرىندە قاتتى ىستىق ساقتالادى

نۇر-سۇلتان. قازاقپارات - اتموسفەرالىق فرونتالدى بولىكتەردىڭ اسەرىنەن 28-ماۋسىمدا قازاقستاننىڭ باسىم بولىگىندە قۇبىلمالى كۇن رايى ساقتالادى.

نايزاعاي، جاڭبىر، سولتۇستىكتە، شىعىستا - بۇرشاق، سولتۇستىكتە، شىعىستا، وڭتۇستىكتە - داۋىل، وڭتۇستىك- باتىستا شاڭدى داۋىل كۇتىلەدى.

ەلدىڭ بارلىق اۋماعىندا ەكپىندى جەل تۇرادى، دەپ حابارلايدى قازاقپارات قازگيدرومەتكە سىلتەمە جاساپ.

كۇندىز اباي، قىزىلوردا، جامبىل، تۇركىستان، الماتى وبلىستارىنىڭ باسىم بولىگىندە قاتتى ىستىق كۇتىلەدى. قىزىلوردا، الماتى وبلىستارىنىڭ باسىم بولىگىندە، اباي وبلىسىنىڭ باتىسىندا، باتىس قازاقستان وبلىسىنىڭ شىعىسىندا، اتىراۋ وبلىسىنىڭ سولتۇستىك- باتىسىندا، اقتوبە وبلىسىنىڭ وڭتۇستىگىندە، شىعىسىندا، ۇلىتاۋ وبلىسىنىڭ وڭتۇستىك- باتىسىندا، قاراعاندى وبلىسىنىڭ وڭتۇستىك- شىعىسىندا، جامبىل وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، تۇركىستان وبلىسىنىڭ سولتۇستىگىندە، قوستاناي وبلىسىنىڭ وڭتۇستىك- باتىسىندا توتەنشە ءورت قاۋپى كۇتىلەدى.

جاڭالىقتار