USD 434.24 EUR 492.69
RUB 5.67 CNY 68.46
جاڭالىقتار

شىمكەنتتە 650 ميلليون تەڭگە سالىقتى تولەۋدەن جالتارعان كاسىپكەر سوتتالدى

30 قاراشا 19:01
:ءبولىسۋ
شىمكەنتتە 650 ميلليون تەڭگە سالىقتى تولەۋدەن جالتارعان كاسىپكەر سوتتالدى

شىمكەنت. قازاقپارات - شىمكەنتتە 650 ميلليون تەڭگەگە سالىق تولەۋدەن جالتارعان كاسىپكەر سوتتالدى، دەپ حابارلايدى قارجىلىق مونيتورينگ اگەنتتىگىنە سىلتەمە جاساپ.

شىمكەنت قالاسى بويىنشا اۋماقتىق دەپارتامەنتى ازامات ا. سازونوۆتىڭ بيۋدجەتكە سالىق تولەمەۋ دەرەگىن انىقتادى.

«ا. سازونوۆ «Nuclear Engineering» ج ش س باسشىسى بولا تۇرا، 2017-2019 -جىلدار ارالىعىندا سالىق دەكلاراتسيالارىنا كىرىستەر مەن شىعىستار تۋرالى كورىنەۋ بۇرمالانعان دەرەكتەردى ەنگىزگەن. سونىمەن بىرگە، ول سالىق سالۋدىڭ باسقا وبەكتىلەرىن جاسىرىپ، قايتا تىركەۋى سوت جارامسىز دەپ تانىعان 11 كومپانيامەن ءوزارا ەسەپ ايىرىسۋ تۋرالى جالعان شوت- فاكتۋرالاردى پايدالاندى»، دەلىنگەن حابارلامادا.

ناتيجەسىندە مەملەكەتكە 657 ميلليون تەڭگەدەن استام مولشەردە تولەنبەگەن سالىقتار تۇرىندە زالال كەلگەن. ا. سازونوۆ سوتتالىپ، ودان زالال سوماسى ءوندىرىلدى.

ۆەدومستۆونىڭ مالىمدەۋىنشە، سالىق - بۇل مەملەكەتتىك بيۋدجەتكە تولەنەتىن مىندەتتى تولەم، ونىڭ ەسەبىنەن مەملەكەتتىك اپپارات جۇمىس ىستەيدى، سونداي- اق حالىقتى قولداۋعا باعىتتالعان الەۋمەتتىك باعدارلامالار ىسكە اسىرىلادى. الايدا، سالىق جارنالارىن تولەۋدەن جالتارىپ جۇرگەن جوسىقسىز كاسىپكەرلەر دە بار.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات