+7 (701) 759 90 19
-2 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

قازاقستان پرەزيدەنتى ب ۇ ۇ 75 جىلدىعىنا ارنالعان جوعارى دەڭگەيدەگى شارادا ءسوز سويلەدى

21 قىركۇيەك 22:23
:ءبولىسۋ
قازاقستان پرەزيدەنتى ب ۇ ۇ 75 جىلدىعىنا ارنالعان جوعارى دەڭگەيدەگى شارادا ءسوز سويلەدى

نۇر- سۇلتان. قازاقپارات – ق ر پرەزيدەنتى قاسىم-جومارت توقايەۆ ب ۇ ۇ باس اسسامبلەياسىنىڭ 75 جىلدىعىنا ارنالعان جوعارى دەڭگەيدەگى ءىس- شارادا بەينەۇندەۋ جاسادى.

اتالعان شارا كوروناۆيرۋس ىندەتىنە بايلانىستى ونلاين فورماتتا ءوتتى. قازاقپارات بۇل تۋرالى اقورداعا سىلتەمە جاساپ حابارلايدى.

مەملەكەت باسشىسى ءوز ءسوزىن ب ۇ ۇ- نىڭ بۇرىنعى باس حاتشىسى داگ حاممارشەلدتىڭ: «بىرىككەن ۇلتتار ۇيىمى ءبىزدى جۇماققا جەتكىزۋ ءۇشىن ەمەس، توزاقتان قۇتقارۋ ءۇشىن قۇرىلعان» دەگەن قاناتتى سوزىمەن باستادى. پرەزيدەنتتىڭ ايتۋىنشا، باستاپقىدا بۇل ۇيىم ۇجىمدىق قاۋىپسىزدىكتى قامتاماسىز ەتۋ جۇيەسى رەتىندە قۇرىلعانىمەن، ءىس جۇزىندە الەم حالىقتارىن ورتاق ماقساتتار مەن قاعيداتتار توڭىرەگىنە بىرىكتىردى. قالىپتاسقان بەلسەندى ءارى كەڭ اۋقىمدى حالىقارالىق ىنتىماقتاستىق ءداۋىرى - سونىڭ ايقىن دالەلى.

مەملەكەت باسشىسى بۇگىنگى كۇننىڭ جاھاندىق سىن- قاتەرلەرىنە الاڭداۋشىلىق ءبىلدىردى. اتاپ ايتقاندا، مۋلتيلاتەراليزم قاعيداتتارىنا تونگەن قاتەرلەرگە، كوروناۆيرۋس پاندەمياسىن اۋىزدىقتاۋدىڭ قيىندىعىنا، جاپپاي قارۋلانۋدىڭ جاڭا باسەكەسىنە قاتىستى قاتەرگە، دامۋدىڭ ستراتەگيالىق ماقساتتارىنا قول جەتكىزۋدەگى قۇبىلمالى جەتىستىكتەرىنە نازار اۋداردى. سونداي- اق پرەزيدەنت ب ۇ ۇ جارعىسىندا بەكىتىلگەن مۇرات- ماقساتتار ءتيىمسىز دەگەن پىكىرلەرگە قاتىستى ءوز كوزقاراسىن ءبىلدىردى.

- مەن ءوز ەلىمنىڭ پرەزيدەنتى جانە ب ۇ ۇ- نىڭ بۇرىنعى جوعارى لاۋازىمدى تۇلعاسى رەتىندە بۇل كوزقاراسپەن مۇلدە كەلىسپەيمىن. بۇعان قاراماستان، ءبىز ءۇمىت وتىن وشىرمەي، قايتا ونى لاۋلاتۋىمىز كەرەك؛ ورتاق مۇرات- ماقساتتان باس تارتپاي، وعان قول جەتكىزۋ ءۇشىن كۇش- جىگەرىمىزگە تىڭ سەرپىن بەرۋىمىز قاجەت؛ انارحياعا جول بەرمەي، حالىقارالىق قۇقىققا نەگىزدەلگەن قوعامداستىق قۇرۋدى جالعاستىرۋعا ءتيىسپىز،- دەدى قازاقستان پرەزيدەنتى.

قاسىم- جومارت توقايەۆ الداعى ونجىلدىقتا 2030 -جىلعا دەيىنگى مەرزىمگە ارنالعان ورنىقتى دامۋدىڭ كۇن ءتارتىبىن جۇزەگە اسىرۋ ءۇشىن بىرگە جۇمىلۋدىڭ وتە ماڭىزدى ەكەنىن اتاپ ءوتتى. پرەزيدەنتتىڭ ايتۋىنشا، وسى اۋقىمدى ماقساتتارعا قول جەتكىزۋ ءۇشىن كۇش- جىگەردى بىرىكتىرىپ، ورتاق جاۋاپكەرشىلىكتى ارتتىرۋ قاجەت. مەملەكەت باسشىسى ب ۇ ۇ باس حاتشىسى انتونيۋ گۋتەرريشتىڭ سەنىمدى كوشباسشىلىق قىزمەتىنە ريزاشىلىق ءبىلدىرىپ، ونىڭ بۇكىل الەمدىك ۇيىمنىڭ تيىمدىلىگىن، اشىقتىعىن جانە ايقىندىعىن ارتتىرۋعا باعىتتالعان ءىس- قيمىلدارىن قولدادى.

- قازاقستان ب ۇ ۇ- نىڭ ميسسياسى مەن جارعىسىن بەرىك ۇستانادى. سونىمەن قاتار، ەلىمىز تۇراقتى، ادىلەتتى جانە وركەندەگەن الەم قۇرۋ جولىنداعى ورتاق مىندەتتى جۇزەگە اسىرۋعا اتسالىسادى، - دەدى پرەزيدەنت.

ءسوز سوڭىندا قاسىم- جومارت توقايەۆ ب ۇ ۇ- نىڭ، شىن مانىندە، بىردەن- ءبىر، امبەباپ ءارى بالاماسى جوق حالىقارالىق وكىلەتتى ۇيىم دەپ ەسەپتەيتىنىن ءبىلدىردى.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات