قاڭتار وقيعاسى بويىنشا 9 ادام ازاپتاۋ فاكتىسى بويىنشا قاماۋدا وتىر - باس پروكۋراتۋرا
29 ماۋسىم 13:04

قاڭتار وقيعاسى بويىنشا 9 ادام ازاپتاۋ فاكتىسى بويىنشا قاماۋدا وتىر - باس پروكۋراتۋرا

نۇر- سۇلتان. قازاقپارات - قاڭتار وقيعاسى بويىنشا ازاپتاۋ ارەكەتى بويىنشا 15 ادام كۇدىككە ىلىنگەن، ونىڭ 9-ى قاماۋدا وتىر.

بۇل تۋرالى ق ر باس پروكۋراتۋراسىنىڭ ورىنباسارى اسەت شىنداليەۆ ءمالىم ەتتى، دەپ حابارلايدى قازاقپارات ءتىلشىسى.

«قاندى قاڭتار كەزىندە 238 ادام قازا تاپتى. ونىڭ ىشىندە 6 ادام ازاپتاۋلاردان كەيىن ولگەن. ازاپتاۋ ارەكەتى بويىنشا 15 ادام كۇدىككە ءىلىندى. ونىڭ توعىزى قاماۋدا وتىر»، - دەدى اسەت شىنداليەۆ.

سونداي- اق، ول قاڭتار كەزىندە قازا بولعانداردىڭ تولىق ءتىزىمىن جاريالاۋ ءۇشىن ءار قۇرباننىڭ قانداي جاعدايدا ولگەنى انىقتالىپ ءبىتۋى كەرەكتىگىن ەسكەرتتى.

«ءبىز ول كۇدىكتىلەردىڭ ءبارى كىنالى دەپ قازىر ايتا المايمىز. تەرگەۋ ءجۇرىپ جاتىر. قايتىس بولعانداردىڭ سانى بەلگىلى. ءبىراق تەرگەۋ شارالارى ءجۇرىپ جاتىر. ادام قاي جەردە، قانداي جاعدايدا ولگەنىن انىقتاۋ قاجەت»، - دەدى باس پروكۋروردىڭ ورىنباسارى.

اۆتور: ەسىمجان ناقتىباي

جاڭالىقتار