+7 (701) 759 90 19
-20 °С : نۇر-سۇلتان
-5 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

جۇكتى ايەلدى بوساندىرعان قاسقىرلار

20 قازان 17:45
:ءبولىسۋ
جۇكتى ايەلدى بوساندىرعان قاسقىرلار

نۇر-سۇلتان. قازاقپارات - ادام بالاسىنىڭ جان-جانۋاردى قۇتقارۋعا، كومەك بەرۋگە مۇمكىندىگى جەتكىلىكتى. ماسەلەن، كوشەدە اشتان ولگەلى جاتقان مىسىققا نە بولماسا كۇشىككە كومەك قولىن سوزىپ، جانۋارلاردى بىلعارى ءۇشىن ولتىرۋگە قارسى شارالار ۇيىمداستىرىپ، سىرقاتتى حايۋاناتتاردى دارىگەرگە اپارا الاسىز.

الايدا، ادامنىڭ جانۋاردىڭ كومەگىنە ءزارۋ بولاتىن ساتتەرى دە بولادى ەكەن. مۇندايدا ولار قانداي ارەكەتتەرگە بارادى؟

عالامتور بەتتەرىندە بىرنەشە جىل بۇرىن امەريكاندىق مەري كرانيكتىڭ باسىنان وتكەن تاڭعاجايىپ وقيعا قىزۋ تالقىعا تۇسۋدە. وقيعا بىلاي بولعان: جۇكتىلىكتىڭ سەگىزىنشى ايىندا جۇرگەن ايەلدىڭ باسقا قالادان ۇيىنە كەلە جاتىپ كولىگى بۇزىلىپ قالادى. ءدال سول ساتتە بۇرقاسىن داۋىل سوعىپ تۇرعاندىقتان اينالادا نە بولىپ جاتقاندىعى دا كورىنبەيدى. نە ىستەرىن بىلمەگەن امەريكاندىق حانىم جولدا ءبىر كولىك كەزدەسىپ قالار دەگەن ويمەن كولىكتەن شىعىپ، جاياۋ جۇرە باستايدى. بوران ودان سايىن ۇدەي تۇسەدى. ەسى شىققان مەري بار كۇشىن سالىپ 800 مەتر جول جۇرەدى. كەنەت تولعاعى باستالىپ كەتەدى. ايەل قارى از دەگەن جەردى تاۋىپ، وتىرا بەرگەندە قاتتى اۋىرسىنۋ مەن قورقىنىشتان ەسىنەن تانىپ قالادى.

«بىرنەشە مينۋتتان كەيىن ەسىمدى جيدىم. مەنىڭ باسىم الىپ قاسقىردىڭ بەلىندە جاتىر، بۇل ءۇيىردىڭ باسشىسى سەكىلدى. قالعان قاسقىرلار مەنى جەلدىڭ سۋىعىنان ساقتاۋ ءۇشىن دوڭگەلەك جاساپ تۇر ەكەن. ولاردىڭ سانى توعىزعا جۋىق بولدى. قورقۋعا دا ۇلگەرمەدىم، تولعاق جانىمدى كوزىمە كورسەتتى. 20 مينۋتتان كەيىن ءسابيدى دۇنيەگە اكەلدىم. ءبىر قانشىق قاسقىر ابايلاپ قانا كىندىكتى كەستى دە، جانىنداعى قۇربىسى ەكەۋى ءسابيدى جالاي باستادى. باسقا قاسقىرلار مەنى جىلىتپاق بولىپ ودان سايىن جاقىنداي ءتۇستى»، - دەپ ەسكە الادى مەري.

ايەل بالانى قولىنا الماق بولعانىمەن ءالى جەتپەيدى. كىندىك كەسكەن قاسقىر، بالانى مۇرنىمەن مەريدىڭ كەۋدەسىنە تىرەپ تۇرادى. بالانىڭ جىلاعان داۋسىنان ءتىرى ەكەنى بىلىنەدى دە، ازدان سوڭ مەري ءسابيىن ەمىزە باستايدى. ءۇيىردىڭ باسشىسى ونىڭ بەتىندەگى قار مەن جاستى جالاعان ەكەن. ءبارى دە سوڭىنا دەيىن ايەل مەن بالانى قورشاپ تۇرادى.

مەري كرانيكتىڭ تۋىستارى قاراۋسىز قالعان كولىكتى تاپقاننان كەيىن ىزدەۋ جۇمىستارىن كۇشەيتە تۇسەدى. ىزدەۋشىلەر الىستاعى قاسقىر توبىن كورگەندە ءبىر سۇمدىق بولدى دەگەن ويمەن وق اتادى. قاسقىرلار قاشىپ كەتەدى. تۋىستارى اعاش تۇبىندەگى ايەل مەن بالانى ءتىرى ەكەندىكتەرىن كورگەندە تاڭعالادى. ال قاسقىرلار بالا مەن انانى ءبىرجولا الىپ كەتكەنشە الىستان باقىلاپ تۇرعان كورىنەدى.

مەري كرانيك كۇنى كەشە عانا تىلشىلەرگە سۇحبات بەرىپ، كىشكەنتاي بيلل (قاسقىرلار بوساندىرعان ۇلى) ەكەۋىنىڭ ءبىر ءۇيىر قاسقىردى ىزدەۋگە شىعاتىندىعىن مالىمدەگەن.

قانداي عيبراتتى وقيعا دەسەڭىزشى!؟ جالپى، ءبىزدىڭ قازاق حالقى قاسقىردىڭ قادىرىن ىقىلىم زامانداردان-اق بىلگەن، كوك ءبورىنى قاسيەت تۇتقان. كوك بورىگە قاتىستى وقيعالار ەجەلگى ءۇيسىن، تۇركى جانە موڭعول اڭىزدارىندا كەزدەسەدى.

قاسيەت دەمەكشى، قاسقىردىڭ ازۋ ءتىسى تۇرىكتەرگە تۇمار بولعان، ال قازاقتار ونى مالدى امان ساقتايدى دەپ، جاڭا قونىسقا ءىلىپ قويعان. قاسقىردىڭ ازۋى مەن تىرناعىن، جالى مەن قۇيرىق ءجۇنىن جاس نارەستەنى كوز تيۋدەن ساقتايدى دەپ بەسىك ارقاسىنا ىلگەن. ول ءالى كۇنگە دەيىن ەرەسەكتەر مەن بالالار كيىمىندە كورىنىس تاۋىپ ءجۇر ەمەس پە؟ حالقىمىز قازىر دە ەرجۇرەك، باتىل جىگىتتەردى كوك بورىگە تەڭەپ، باتىلدىق پەن باتىرلىقتىڭ نىشانى رەتىندە تانيدى.

massaget.kz

دايىنداعان: ايگەرىم سماتۋللايەۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات