باسپالداقتىڭ كومەگىمەن قالاي ارىقتاۋعا بولادى؟
29 قازان 16:41

باسپالداقتىڭ كومەگىمەن قالاي ارىقتاۋعا بولادى؟

نۇر- سۇلتان. قازاقپارات - كەز-كەلگەن باسپالداقتى ارتىق سالماقتان ارىلىپ، ارىقتاۋ ماقساتىندا قولدانۋعا بولادى.

جاتتىعۋ ءۇشىن باسپالداقتىڭ ءۇش ساتىسىنىڭ ءوزى جەتكىلىكتى.

دەسە دە اياعىڭىزدىڭ ءار ساتىعا تۇگەلدەي سىيعانى ءجون. تابانىڭىز شىعىپ تۇرماۋى قاجەت. ەگەر باسپالداق كىر بولسا، قولىڭىزعا جۇمىس قولعابىن كيىپ الىڭىز. جاتتىعۋ كەشەنىن اپتاسىنا 3-4 رەت جاساعانىڭىز ابزال.

دەنە قۇرىسىن جازۋ

بەلسەندى تۇردە 10 مينۋت ءجۇرۋ: جاياۋ ءجۇرىڭىز، باسپالداقپەن كوتەرىلىڭىز، تومەن ءتۇسىڭىز، قايتادان جاياۋ ءجۇرىڭىز. قولىڭىزبەن بەلسەندى جۇمىس جاساڭىز.

العا قاراي قوزعالۋ

اياق، دەنە بۇلشىق ەتتەرى، بوكسە، دەنە جانە يىققا ارنالعان جاتتىعۋ.

جەردە تۇرىپ، قولىڭىزدى العا سوزىپ، الاقان جاعىمەن باسپالداقتىڭ ەكىنشى نە ءۇشىنشى ساتىسىنا قويىڭىز. كەۋدەڭىزدى جەردەن كوتەرەتىن جاتتىعۋداعىداي اياعىڭىزدى تىكتەپ، سوزىڭىز. وڭ اياعىڭىزدى بۇگىپ، قولىڭىزدان تومەنگى ساتىعا، الاقانىڭىزدىڭ وڭ جاعىنا قويىڭىز. بوكسەڭىزدى ءسال ءتۇسىرىپ، تولىقتاي وڭ جاق تابانىڭىزعا سالماق ءتۇسىرىڭىز. وڭ اياعىڭىزدى باستاپقىداعى ورنىنا قويىپ، ەندىگى سول اياعىڭىزبەن جوعارىداعى ارەكەتتى جاساڭىز.

جاتتىعۋدى ءار اياققا 8-10 رەتتەن 2-3 قايتالاي جاساڭىز.

جان-جاققا بۇرىلۋ

دەنە مەن ارقا بۇلشىق ەتتەرىنە ارنالعان جاتتىعۋ

قولىڭىزبەن ءۇشىنشى ساتىعا تىرەلىڭىز. اياعىڭىزدى كەۋدەڭىزدى جەردەن كوتەرگەندەگى قالىپتاعىداي ۇستاڭىز. سول قولىڭىزدى ءسال بۇگىپ، دەنەڭىزدى وڭعا بۇرىڭىز. وڭ اياعىڭىزدى بۇگىپ، تىزەڭىزدى يىق جاققا تارتىڭىز.

جاتتىعۋدى 5-6 رەت قايتالاپ، سول جاققا اۋىسىڭىز. وڭعا، سولعا 1-2 قايتالاي جاساڭىز.

اياقتى بۇگۋ

سان، بوكسە، دەنە مەن يىق بۇلشىق ەتتەرىنە ارنالعان جاتتىعۋ.

اياعىڭىزدى الدىڭعى جاتتىعۋداعى قالىپتاعىداي ۇستاڭىز. قولىڭىزدى الاقان جاعىمەن باسپالداقتىڭ تومەنگى ءۇشىنشى ساتىسىنا قويىڭىز. تابانىڭىزدى بوكسەڭىزگە قاراي تارتىڭىز. اياعىڭىزدى بۇككەن سايىن باشپايلارىڭىزدى سانىڭىزعا قاراي تارتىڭىز.

جاتتىعۋدى ءار اياعىڭىزعا 10-15 رەتتەن قايتالاي جاساڭىز.

كەۋدەنى جەردەن كوتەرۋ

قول، كەۋدە، يىق، ارقانىڭ جوعارى جاعى مەن دەنەگە ارنالعان تاماشا جاتتىعۋ.

اياعىڭىزدى سوزىپ، قولىڭىزدى ەكىنشى، ءۇشىنشى ساتىعا قويىڭىز. جامباسىڭىزدى كوتەرمەڭىز. ول ارقاڭىزبەن جانە اياعىڭىزبەن ءبىر دەڭگەيدە بولۋى ءتيىس. الاقانىڭىزدى يىق دەڭگەيىندە قويىڭىز. شىنتاعىڭىزدى ەكى جاققا باعىتتاپ، كەۋدەڭىزدى جەردەن كوتەرىڭىز.

5-10 رەتتەن 2-3 رەت قايتالاي جاساڭىز.

ارتقا قاراي قوزعالۋ

سان، بوكسە مەن دەنەگە ارنالعان جاتتىعۋ. بۇلشىق ەتتەردى كەرىسىنشە باعىتتا جۇمىس ىستەۋگە اسەر ەتەدى.

تومەنگى ساتىعا بەتىڭىزدى توبەگە قاراتىپ تۇرىڭىز. قولىڭىز بەلىڭىزدە، اياعىڭىز يىق دەڭگەيىندە. وڭ اياعىڭىزبەن ارتقا قادام باسىڭىز. دەنەڭىزدىڭ سالماعىن وڭ اياققا ءتۇسىرىڭىز. سول اياعىڭىزدى بۇگىپ، تىزەڭىزدى كەۋدەگە قاراي كوتەرىڭىز. سول اياعىڭىزدى قويىپ، وعان وڭ اياعىڭىزدى قويىڭىز.

ەندى ءدال وسى جاتتىعۋدى سول اياعىڭىزعا جاساڭىز. ءار اياققا 10 رەتتەن 2 رەت قايتالاي جاساڭىز.

اياعىڭىزدى ەكى جاققا سەرپە قوزعالۋ

سان، بوكسە بۇلشىق ەتتەرىنە ارنالعان جاتتىعۋ.

باسپالداققا قاراي وڭ جاق قىرىڭىزبەن 20-30 سانتيمەتر قاشىقتىقتا تۇرىڭىز. تىزەڭىزدى بۇگىپ، وڭ اياعىڭىزبەن باسپالداقتىڭ سوڭعى ساتىسىنا قادام جاساڭىز. وڭ اياعىڭىزدى ءسال بۇگىپ، دەنەڭىزدىڭ سالماعىن اياعىڭىزعا ءتۇسىرىڭىز. سول اياعىڭىزدى كوتەرىڭىز. تەپە-تەڭدىك ءۇشىن، اياعىڭىزدى كوتەرگەن كەزدە قولىڭىزدى ەكى جاققا جايۋىڭىزعا بولادى. باستاپقى قالپىڭىزعا كەلىپ، 6-8 رەت قايتالاڭىز.

ار اياققا 2-3 رەت قايتالاي جاساڭىز.

Stan.kz


جاڭالىقتار