دەنساۋلىق: ومىرتقا ساۋلىعىن ساقتايمىن دەسەڭىز
1 قاراشا 18:40

دەنساۋلىق: ومىرتقا ساۋلىعىن ساقتايمىن دەسەڭىز

نۇر- سۇلتان. قازاقپارات - كومپيۋتەردىڭ الدىندا كوپ وتىرعان دەنساۋلىققا زيان ەكەنى ايتپاسا دا بەلگىلى. قاجەتتى اقپاراتتى الۋ ءۇشىن نەمەسە ءتۇرلى ويىندارعا ءۇڭىلىپ، ۇزاق ۋاقىت وتىرىپ قالعانىمىز سونشالىقتى - ۋاقىتتىڭ قالاي جىلدام وتكەنىن دە اڭداماي جاتامىز. كوبىنە كومپيۋتەر الدىندا وتىرعاندا ومىرتقاعا سالماق تۇسەدى.

كومپيۋتەردىڭ ەكرانىنا ۇزدىكسىز قاراپ وتىرۋدان كوزىڭنىڭ كورۋى ناشارلايدى. قيمىلسىز وتىرا بەرگەننەن ومىرتقاڭا سالماق ءتۇسىپ، ونە بويىڭ اۋىرلاي باستايدى. ومىرتقاعا سالماق تۇسپەس ءۇشىن تومەندەگى جاتتىعۋلار مەن ەرەجەلەردى ەستەن شىعارماعانىڭ ابزال، دەپ جازادى massaget.kz.

- كومپيۋتەر الدىندا وتىرعاندا ۇنەمى قوزعالىستا بول. ورىندىعىڭ قوزعالمالى بولعانى دا پايدالى.

- وتىرعاندا ارقاڭدى ءتۇزۋ ۇستاۋعا تىرىس.

- 5 مينۋتقا ءۇزىلىس جاساپ، تازا اۋا جۇتىپ قايتقان دا كوپ كومەگىن تيگىزەدى.

- ارقا بولىگىڭ مەن ءبۇيىرىڭدى ءجيى ۋقالاپ، ماسساج جاساعان دا جانىڭدى سەرگىتەدى.

- كومپيۋتەردەن تۇرعاننان كەيىن ومىرتقاعا ارنالعان جاتتىعۋلاردى جاساعان ءجون. سونىڭ ءبىرىن ايتا كەتەيىك.

مالداس قۇرىپ وتىرىپ، ەكى قولىڭدى تىزەڭە قوي. يىعىڭدى تىك ۇستاپ، ءدال الدىڭا قارا. بۇل - باستاپقى قالىپ. ەندى ارتىڭدا ورنالاسقان زاتتاردى كورۋگە تىرىسىپ، باسىڭدى وڭعا جانە سولعا قاراي بۇر. وسىلايشا قوس قاپتالىڭداعى زاتتاردى 25 قايتارا باقىلاپ شىق. بۇل جاتتىعۋ ومىرتقا ساۋلىعىنا اسا پايدالى.

جالپى ومىرتقا ساۋلىعىن ساقتاۋ ءۇشىن مىنا ەرەجەلەردى دە بىلە جۇرگەن ارتىقتىق ەتپەيدى.

- اۋىر زاتتاردى جەردەن كوتەرگەندە، الدىمەن وتىرىپ بارىپ، سوسىن كوتەر. ەڭكەيىپ كوتەرۋگە بولمايدى. باس اينالىپ، قان قىسىمى جوعارىلاۋى مۇمكىن.

- ارقاڭدى ءتۇزۋ ۇستايتىن ريۋكزاكتاردى كيىپ جۇرگەن دۇرىس.

- بەلتەمىرگە ۇزاق ۋاقىت تارتىلىپ تۇرۋ - ومىرتقانى قالىپقا كەلتىرەدى.

- جۇزۋمەن اينالىسقان پايدالى.


جاڭالىقتار