+7 (701) 759 90 19
15 °С : نۇر-سۇلتان
20 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كەلىنشەكتاۋ اتاۋى قايدان شىققان؟

21 قىركۇيەك 15:40
:ءبولىسۋ
كەلىنشەكتاۋ اتاۋى قايدان شىققان؟

نۇر-سۇلتان. قازاقپارات – تۇركىستان وبىلىسى، سوزاق اۋدانىنا قاراستى قاراتاۋ جوتاسىنىڭ ەڭ ءبىر كورنەكتى تۇسى كەلىنشەك تاۋ.

كەلىنشەك تاۋ اتالۋى اڭىزدا بىلاي ايتىلادى:

ەرتەدە وسى ءوڭىردى مەكەندەگەن ءبىر باي جالعىز قىزىن تۇرمىسقا ۇزاتۋعا دايىندالىپ جاتادى. جالعىز قىزىنان ايانباعان باي، جاساۋدى بارلىق نارسەنىڭ ەڭ قۇندىلارىنان، اسىلدان، التىننان دايىنداتىپ، ەڭ سوڭى ءيتتىڭ تاباعىنا دەيىن كۇمىستەپ بارلىق مالىن سارپ ەتەدى. جول جاراعى دايىندالىپ، جاساۋى تۇيەلەرگە ارتىلىپ، قىزىن شىعارىپ سالىپ جاتقان باي: «قىزىم، مەنەن رازى شىعارسىڭ، سەن ءۇشىن بارىمدى اياماي، التىننان جاسالعان جاساۋىڭدى، سوڭعى تۇيەمە ارتىپ بەرىپ جاتىرمىن» - دەگەنىندە قىزى: «ءيتىمنىڭ يتاياعى كۇمىستەن ەكەن» - دەپ نارازى سىڭاي تانىتقان كورىنەدى. قىزىنىڭ تويىمسىزدىعىنا ىزاسى كەلگەن باي «تاس بولعىر، تاس بول» دەپ قارعاعان ەكەن. سودان كەلىنشەك بۇكىل جاساۋىمەن تاسقا اينالعان ەكەن دەسەدى.

شىنىندا اڭعارىپ قاراساڭىز تاۋ ورتاسىندا بويشاڭ كەلگەن ساۋكەلە كيگەن كەلىنشەك، اينالاسىندا تۇيەلەر مەن وركەشتەرى، جاساۋى تىزبەكتەلگەن كورىنىستى بايقاۋعا بولادى. وعان تابيعاتتىڭ ءارتۇرلى تۇسكە بوياۋى ەرەكشە اسەمدىك بەرەدى. بۇل اڭىزدىڭ تاربيەلىك ءمانى اشكوز بولماۋدى، بارعا قاناعات قىلۋدى، تويىمسىز بولماۋدى مەڭزەيدى.

«ارانىڭدى قانشا اشساڭدا، بۇيىرعاننان ارتىق جەي المايسىڭ» - دەپ وتكەن بابالارىمىزدىڭ ءاربىر اڭىزدارىنان، ءاربىر اتاۋلارىنان وسىنداي تاعىلىمعا تولى دۇنيەلەردى اڭعارۋعا بولادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات