+7 (701) 759 90 19
-1 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

پنيەۆمونيامەن اۋىرعان ناۋقاستاردىڭ وكپەسى قانشا ۋاقىتتا قالىپقا كەلەدى - مامان پىكىرى

20 قىركۇيەك 09:31
:ءبولىسۋ
پنيەۆمونيامەن اۋىرعان ناۋقاستاردىڭ وكپەسى قانشا ۋاقىتتا قالىپقا كەلەدى - مامان پىكىرى

نۇر-سۇلتان. قازاقپارات - كوروناۆيرۋس پنيەۆمونياسىمەن اۋىرعان ناۋقاستاردىڭ وكپەسى تولىق قالىپقا كەلۋى ءۇشىن 3 ايدان 6 ايعا دەيىن ۋاقىت كەرەك.

بۇل تۋرالى قازاقپارات تىلشىسىنە بەرگەن سۇحباتىندا مەديتسينا عىلىمدارىنىڭ كانديداتى، پۋلمونولوگ الەكسەي پاك مالىمدەدى.

«كوروناۆيرۋستىق پنيەۆمونيامەن اۋىرىپ، ساۋىققان ادامدار كومپيۋتەرلىك توموگرافيادان وتكەندە، وكپەسىنىڭ تولىق جاقسارماعانىن كورەدى. سوندىقتان ولار ۇرەيگە بوي الدىرىپ، الاڭداپ، قايتادان ەم الۋدى جالعاستىرىپ جاتادى. ال شىن مانىندە ول ناۋقاستار دەنساۋلىق جاعدايىنىڭ جاقسى ەكەنىن سەزىنەدى. بۇل ماسەلە مەديتسينا ماماندارىنىڭ حالىقتى دۇرىس اقپاراتپەن قامتاماسىز ەتپەۋىنەن تۋىنداپ وتىر. پنيەۆمونيادان زاقىم كەلگەن وكپەنىڭ تولىق ورنى ءبىتىپ كەتۋى ءۇشىن 3 ايدان 6 ايعا دەيىن ۋاقىت كەرەك. كەيبىر جاعدايدا وكپەدەگى وزگەرىس ءومىر بويىنا ساقتالۋى مۇمكىن. سوندىقتان كومپيۋتەرلىك توموگرافيا ولاردىڭ تىنىس الۋ ورگانىندا دەرت بار دەپ كورسەتەدى. بۇل ادام اۋرۋىنان ءالى ايىقپاعان دەگەندى بىلدىرمەيدى»، - دەدى پۋلمونولوگ-دارىگەر الەكسەي پاك.

سونداي-اق، الەكسەي پاك پنيەۆمونيانى كوروناۆيرۋس ينفەكتسياسىنان ءبولىپ قاراستىرۋ ماسەلەسى تۋرالى پىكىر ءبىلدىردى.

«قازىر بۇقارا اراسىندا كوروناۆيرۋس ينفەكتسياسىن جانە پنيەۆمونيا اۋرۋىن ەكىگە ءبولىپ قاراستىرۋ تۋرالى جاڭساق پىكىر قالىپتاستى. بۇل مۇلدەم اقىلعا قونبايتىن دۇنيە. پنيەۆمونيانىڭ تەك باكتەريالىق ءتۇرى بار. وعان ادامدار وتە از شالدىعادى. بۇگىنگى جاعدايدا پنيەۆمونيانىڭ باكتەريالىق ەمەس، ينفەكتسيالىق ءتۇرى ءورشىدى. ول كوروناۆيرۋستىڭ اسا اۋىر اسقىنعان ءتۇرى. جاپپاي ىندەت تاراعانشا، مەن كۇنىنە باكتەريادان وكپەسى زاقىمدانعان 5-6 ناۋقاستى قارايتىن ەدىم. ال دەرت ورشىگەندە، ءبىر كۇندە 600 ادامدى تەكسەرىستەن وتكىزدىم. پنيەۆمونياعا شالدىققان ناۋقاستار كوروناۆيرۋستىق ينفەكتسيامەن اۋىراتىندار. COVID -19 انىقتايتىن ءادىس- تاسىلدەر ءارتۇرلى. ماسەلەن، ىندەت پتسر تالداماسى ارقىلى انىقتالماي، ءبىراق كومپيۋتەرلىك توموگرافيا تەكسەرۋى بويىنشا وكپەنىڭ زاقىمدانعانى كورسەتىلەدى. بۇل ءسىز كوروناۆيرۋس جۇقتىردىڭىز دەگەندى بىلدىرەدى»، - دەپ اتاپ ءوتتى ۇلتتىق عىلىمي مەديتسينالىق ورتالىعىنىڭ پۋلمونولوگ- دارىگەرى الەكسەي پاك.

ەسكە سالا كەتەيىك، وتكەن تاۋلىكتە كوروناۆيرۋستىق پنيەۆمونيادان ءبىر ادام قايتىس بولدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات