+7 (701) 759 90 19
-2 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

مەكتەپ وقۋشىلارىنا تەگىن كومەكتەسەتىن جوبا ىسكە قوسىلادى

21 قىركۇيەك 13:12
:ءبولىسۋ
مەكتەپ وقۋشىلارىنا تەگىن كومەكتەسەتىن جوبا ىسكە قوسىلادى

نۇر-سۇلتان. قازاقپارات - قازاقستاندا وقۋشىلارعا مەكتەپ باعدارلاماسىن مەڭگەرۋگە كومەكتەسەتىن «E-Tutor « الەۋمەتتىك جوباسى ىسكە قوسىلادى، دەپ حابارلايدى قازاقپارات ءتىلشىسى.

«NU Alumni « تۇلەكتەر قاۋىمداستىعى ءبىلىم بەرۋدەگى تالىمگەرلىك بويىنشا وسىنداي جوبانى ىسكە قوسپاق. جوبا اياسىندا نۋ تۇلەكتەرى مەن ستۋدەنتتەرى قاتارىنان كۋراتورلار ۆولونتەرلىق نەگىزدە 5-11-سىنىپ وقۋشىلارىنا ءبىرقاتار ءپان بويىنشا مەكتەپ باعدارلاماسىن مەڭگەرۋگە كومەكتەسەدى. وقۋشىلاردى ىرىكتەۋ كەزىندە ەڭ الدىمەن مەديتسينا قىزمەتكەرلەرىنىڭ وتباسى مۇشەلەرىنە، سونداي-اق كوپ بالالى وتباسىلار مەن حالىقتىڭ الەۋمەتتىك وسال توپتارىنا جاتاتىن وتباسىلاردان شىققان بالالارعا باسىمدىق بەرىلەدى. جوبادا وقۋشىلار پاندەردى مەڭگەرۋدە كومەك الىپ قانا قويماي، روبوت تەحنيكاسى، ينفورماتيكا جانە باعدارلامالاۋ بويىنشا ۇيىرمەلەرگە جازىلا الادى. سونداي- اق، مەنتورلارمەن بىرگە بالالار وليمپيادالارعا دايىندالىپ، ەمتيحانداردى، سونى ىشىندە IELTS جانە SAT تى دە تاپسىرادى.

«ءبىزدىڭ جوبا قازاقستاندىق وقۋشىلاردىڭ الەمدىك ءبىلىم بەرۋ كەڭىستىگىندەگى باسەكەگە قابىلەتتىلىگىن ارتتىرۋعا جاردەمدەسۋ ءۇشىن ويلاستىرىلعان. بۇگىنگى تاڭدا ءبىزدىڭ جوبامىز ەلوردانىڭ بىرنەشە مەكتەبىن عانا قامتيدى، ءبىراق بولاشاقتا ەلىمىزدىڭ ءار وڭىرىنەن كەلگەن بالالاردى وقۋدا قولداۋ ارقىلى ونىڭ گەوگرافياسىن كەڭەيتۋدى جوسپارلاپ وتىرمىز»، - دەيدى «NU Alumni « قوعامدىق بىرلەستىگىنىڭ اتقارۋشى ديرەكتورى ارمان قوڭقاباي.

ساباقتى وقۋشىنىڭ تاڭداۋىنا بايلانىستى قازاق، اعىلشىن جانە ورىس تىلدەرىندە وتكىزۋ جوسپارلانۋدا. ءار وقۋشى 3 پانگە دەيىن تاڭداي الادى. ول بويىنشا كۋراتور اپتا سايىن 45 مينۋتتان ونلاين- سەسسيا وتكىزەدى. بارلىق ءبىلىم بەرۋ ماتەريالدارى: ونلاين- ساباقتاردىڭ جازبالارى، ادىستەمەلىك انىقتامالىقتار، وقۋلىقتار، ەمتيحاندارعا دايىندىق بويىنشا ۇسىنىمدار جوبانىڭ ارنايى سايتىندا ورنالاستىرىلادى. بۇگىنگى كۇنگە دەيىن جوباعا ىرىكتەۋدىڭ بارلىق كەزەڭىنەن وتكەن 69 كۋراتور- تۇلەك قاتىسۋعا نيەت بىلدىرگەن.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات