+7 (701) 759 90 19
-2 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ساقتانىڭىز- تۋبەركۋلەز

21 قىركۇيەك 16:08
:ءبولىسۋ
ساقتانىڭىز- تۋبەركۋلەز

نۇر-سۇلتان. قازاقپارات - ەل اراسىندا قۇرت اۋرۋى دەپ اتالاتىن تۋبەركۋلەز بەن ونىڭ قوزدىرعىشى - كوح تاياقشاسى جايلى ءبارىمىز بىلەمىز. الايدا، كوپشىلىگىمىز ومىردە ساقتىق شارالارىن ەلەي بەرمەيمىز.

الەمدە كۇن سايىن 4 مىڭنان استام ادامنىڭ ءومىرىن جالماپ وتىراتىن دەرت جايلى تەرەڭىرەك بىلگىڭىز كەلە مە؟

تۋبەركۋلەزدىڭ قاۋىپتىلىگى سونشالىق، دۇنيەجۇزىلىك دەنساۋلىق ساقتاۋ ۇيىمى ونى ۆ ي چ- ىندەتىمەن قاتار قويادى. د د س ۇ مالىمەتىنشە، وسى دەرتتەن 1,7 ميلليون ادام قايتىس بولعان. ونىڭ 60 پايىزى ورتا- ازيا ايماعى ەلدەرىنىڭ ەنشىسىندە. ءولىم-ءجىتىم كورسەتكىشى جاعىنان ول جۇرەك- قان تامىرى اۋرۋلارى مەن قاتەرلى ىسىكتەن كەيىن ءۇشىنشى ورىندا تۇر. اسىرەسە، تۋبەركۋلەزدىڭ يممۋنيتەتى ءالسىز ادامدار ءۇشىن قاۋىپتى ەكەنىن بىلە بەرمەيمىز.

ال، يممۋنيتەتتىڭ السىرەۋىنە شارشاپ- شالدىعۋ، دۇرىس تاماقتانباۋ، كۇيزەلىس، قورعانىس جۇيەسى جۇمىسىنىڭ بۇزىلۋىنا اكەپ سوقتىراتىن باسقا دا اۋرۋلار سەبەپ. سونىمەن قاتار، تۋبەركۋلەز جۇقتىرۋ قاۋپى جوعارى سانالاتىن توپقا بالالار مەن قارتتار دا جاتادى. ويتكەنى، ولاردىڭ يممۋندىق جۇيەسى ءالسىز. قازاقستاندا اۋرۋحاناعا تۇسەتىندەردىڭ باسىم بولىگى اۋرۋىن ابدەن اسقىندىرىپ العاندار. سوندىقتان اۋرۋدىڭ الدىن الۋ ماسەلەسىنە كوبىرەك دەن قويعانىمىز ءجون.

پروفيلاكتيكا ءار ادامنىڭ تانىم- تۇسىنىگىنە كەلىپ تىرەلەتىن ماسەلە. سونى وزگەرتكەندە عانا ازاماتتاردىڭ ءوز دەنساۋلىعىنا دەگەن قارىم- قاتىناسىن جاقسارتۋعا بولادى. ەڭ الدىمەن، ءار ادام جىل سايىن ەمحاناعا بارىپ مەديتسينالىق زەرتتەۋلەر ءوتىپ تۇرۋدى ادەتكە اينالدىرۋى ءتيىس. بۇل تۋبەركۋلەزدىڭ عانا ەمەس، وزگە دە دەرتتەردىڭ الدىن الۋعا كومەكتەسەدى.


قازاقستاندا تۋبەركۋلەزدى انىقتاۋ مەن ونىڭ الدىن الۋ، ەمدەۋ، ءدارى- دارمەكپەن قامتاماسىز ەتۋ كەپىلدەندىرىلگەن مەديتسينالىق كومەك پاكەتىنە كىرەدى. اۋرۋ تەگىن ەمدەلەدى. وسى دەرتكە شالدىققانداردى انىقتاۋ، ەمدەۋ مەن الەۋمەتتىك قولداۋعا مەملەكەت بيۋدجەتتەن قوماقتى قارجى ءبولىندى. تۋبەركۋلەز بەلگىلەرى بىردەن بايقالا قويمايدى.

ادەتتە، ول ۇزاق ۋاقىت بويى اعزادا دامىپ، كوبىنە وكپە تىندەرىن زاقىمدايدى. ونىڭ بەلگىلەرىنىڭ جۇرە كەلە پايدا بولاتىنى دا سوندىقتان. ءبىراق كوپ ۇزاماي توقتاۋسىز جوتەلۋ، كەيدە قان ارالاس قاقىرىق ءتۇسۋ، كەۋدە قۋىسىنىڭ اۋىرۋى، ءوز-ءوزىن جايسىز سەزىنۋ، سالماق جوعالتۋ، قالشىلداۋ سىندى بەلگىلەر پايدا بولادى. ەڭ باستىسى - تۋبەركۋلەزدى ەمدەپ جازۋعا جانە ونىڭ الدىن الۋعا بولادى.

جۇقتىرعان كۇننىڭ وزىندە دەر كەزىندە، دۇرىس ەمدەلسە پاتسيەنتتىڭ قۇلان-تازا ايىعىپ كەتۋگە مۇمكىندىگى بار. سوڭعى جىلدارى ەلىمىزدە اتالعان ىندەتكە شالدىعۋ كورسەتكىشى 2,4 ەسەگە قىسقارعان. جۇقپالى اۋرۋدى جاڭادان جۇقتىراتىندار سانى ەكى ەسە، ءولىم- ءجىتىم كورسەتكىشى التى ەسەگە دەرلىك ازايعان.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات