+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ءۇي قاماقتا وتىرعاندارعا ەلەكتروندى بىلەزىك قولدانىلا باستادى

21 قىركۇيەك 14:25
:ءبولىسۋ
ءۇي قاماقتا وتىرعاندارعا ەلەكتروندى بىلەزىك قولدانىلا باستادى

نۇر-سۇلتان. قازاقپارات - قازاقستاننىڭ سىبايلاس جەمقورلىققا قارسى قىزمەتى ءۇي قاماۋىنداعى كۇدىكتىلەرگە ەلەكتروندى بىلەزىكتەر قولدانا باستادى.

بۇل تۋرالى AntikorNews باعدارلاماسىندا ق ر سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ سيفرلاندىرۋ جونىندەگى كومەكشىسى اسلان قۇسايىنوۆ ايتتى، دەپ حابارلايدى قازاقپارات ءتىلشىسى.

«حالىقارالىق تاجىريبەنى ەسكەرە وتىرىپ، اگەنتتىك قاماۋعا الۋمەن بايلانىستى ەمەس ادامدارعا قاتىستى بۇلتارتپاۋ شارالارىن قولدانعان كەزدە باقىلاۋدىڭ ەلەكتروندىق قۇرالدارى - بىلەزىكتەردى قولدانا باستادى. بيىل 17-قىركۇيەك كۇنى بۇل تاجىريبە العاش رەت سىبايلاس جەمقورلىققا قارسى قىزمەتپەن قاراعاندى قالاسىنىڭ مامانداندىرىلعان تەرگەۋ سوتىنىڭ شەشىمىمەن قىلمىستىق ءىس بويىنشا كۇدىكتىگە قاتىستى ءۇي قاماۋ تۇرىندەگى الدىن الۋ شاراسىن تاڭداۋ كەزىندە قولدانىلدى. ەلەكتروندىق قاداعالاۋ قۇرالدارىن كيۋ ەرەجەلەرى كۇدىكتىگە ءتيىستى مىندەتتەردى قابىلداي وتىرىپ ءتۇسىندىرىلدى. سونداي-اق، كۇدىكتى جالپى دەنساۋلىعى مەن قارسى كورسەتىلىمدەرىنىڭ بولماۋى بويىنشا مەديتسينالىق تەكسەرۋدەن ءوتتى»، - دەيدى اسلان قۇسايىنوۆ.

ونىڭ ايتۋىنشا، ەلەكتروندى بىلەزىكتەردى قولدانۋ كۇدىكتىلەردىڭ تەرگەۋ مەن سوتتان قاشۋ ارەكەتتەرىن بولدىرماۋعا مۇمكىندىك بەرەدى. ەلەكتروندىق بىلەزىكتەردى قولدانۋ قىلمىستىق جازانى ىزگىلەندىرۋ تالاپتارىنا سايكەس كەلەدى جانە جاقىن بولاشاقتا قاماۋداعى ادامداردىڭ سانىن ازايتۋعا مۇمكىندىك بەرەدى.

«ەلەكتروندى بىلەزىك - كۇدىكتىنىڭ نەمەسە ايىپتالۋشىنىڭ اياعىنا تاعىلاتىن راديوەلەكتروندىق مودۋل. بىلەزىك بارلىق قاۋىپسىزدىك ەرەجەلەرىنە سايكەس كەلەدى. بىلەزىكتىڭ سالماعى شامامەن 80 گرامم. ەلەكتروندىق بىلەزىك تاعىلعان ادامنىڭ قاي جەردە ەكەنىنە كوز جەتكىزۋ كەرەك بولسا، ديسپەتچەر ءبىر باتىرمانى باسادى جانە 5 مينۋت ىشىندە بىلەزىك تاعىلعان ادامنىڭ بەينەسىن، داۋىسىن تەكسەرۋ تۋرالى حابارلاما كەلەدى»، - دەيدى ول. باعدارلاما بارىسىندا اسلان قۇسايىنوۆ ەلەكتروندى بىلەزىكتىڭ قانداي بولاتىنىن، ونىڭ قالاي قولدانىلاتىنىن كورسەتتى.

اۆتور: زارينا قاھارمان


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات