+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاندا ادام مۇشەلەرىن تاسىمالداعان ۇيىمنىڭ جولى كەسىلدى

21 قىركۇيەك 14:39
:ءبولىسۋ
قازاقستاندا ادام مۇشەلەرىن تاسىمالداعان ۇيىمنىڭ جولى كەسىلدى

نۇر-سۇلتان. قازاقپارات - ق ر ءى ءى م كريمينالدىق پوليتسيا دەپارتامەنتىنىڭ باسشىسى دۋمان تايەۆ قازاقستانداعى ادام ساۋداسى قىلمىسىنىڭ تەرگەلۋ بارىسىن باياندادى، دەپ حابارلايدى قازاقپارات ءتىلشىسى.

«قازاقستاندا جىل سايىن 80 گە جۋىق تۇرعىن ادام ساۋداسىنىڭ قۇربانى بولادى. جىل سايىن ادام ساۋداسىنا قاتىستى 180 گە جۋىق ءىس قوزعالادى. مۇنداي قىلمىس كارانتين كەزىندە دە تىركەلىپ جاتتى جانە ودان قازاقستاندىقتار دا، شەتەل ازاماتتارى دا زارداپ شەگەدى. زارداپ شەككەن شەتەلدىكتەر اراسىندا ورتالىق ازيا ەلدەرىنىڭ ازاماتتارى كوپ»، - دەدى دەپارتامەنت باسشىسى مينيسترلىك ۇيىمداستىرعان اپتالىق بريفينگتە. سونىمەن بىرگە، وتكەن جىلى ەكى ۇيىمداسقان قىلمىستىق توپتىڭ زاڭعا قايشى ارەكەتى اشكەرەلەنگەن.

«سوڭعى جىلدارى شەتەلگە سەكسۋالدىق قۇلدىققا 15 ادامنىڭ شىعارىلعانى انىقتالدى. وتكەن جىلى ەكى ۇيىمداسقان قىلمىستىق توپتىڭ زاڭعا قايشى ارەكەتى كەسىلدى. ونىڭ ءبىرى ادام مۇشەلەرىن تاسىمالداۋدى ۇيىمداستىرعان، ال ەكىنشىسى - جەزوكشەلىكتى ۇيىمداستىرىپ، جەڭگەيتايلىقپەن اينالىسقان. سوڭعى جىلدارى ءبىزدىڭ ازاماتتاردى باحرەينگە، تۇركياعا جانە وڭتۇستىك كورەياعا سەكسۋالدىق قۇلدىققا اپارۋ كانالدارى كەسىلدى. بىزدە سىرتقى جانە ىشكى ادام ترافيگى ماسەلەلەرى كەزىگەدى»، - دەدى دۋمان تايەۆ.

ايتا كەتەيىك، قازاقستاندا 1200 ادام ءىز-ءتۇسسىز جوعالعاندار ساناتىندا تۇر.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات