+7 (701) 759 90 19
17 °С : نۇر-سۇلتان
24 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

تىماۋدان ءوز بەتىنشە ەمدەلۋگە ابايلاۋ كەرەك - يممۋنولوگ

21 قىركۇيەك 16:26
:ءبولىسۋ
تىماۋدان ءوز بەتىنشە ەمدەلۋگە ابايلاۋ كەرەك - يممۋنولوگ

الماتى. قازاقپارات - يممۋنولوگ مامان كۇز بەن قىستا سۋىقتان ساقتانۋ جولدارىن ايتتى، دەپ حابارلايدى قازاقپارات ءتىلشىسى.

قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتىنىڭ ميكروبيولوگيا، ۆيرۋسولوگيا، جالپى يممۋنولوگيا، گيگيەنا، ەپيدەميولوگيا سىندى ىرگەلى عىلىمدار كافەدراسىنىڭ مەڭگەرۋشىسى راۋشان تەسوۆا- بەردالينا ەپيدەميولوگيالىق احۋالعا سيپاتتاما بەردى.

«بارلىق رەسپيراتورلىق اۋرۋلار سياقتى SARS- CoV-2 ينفەكسيالارى باسقا دا ۆيرۋستار ءتارىزدى سۋىق تيۋ ماۋسىمى كەزىندە ءورشۋى ابدەن ىقتيمال. ولار گريپپ، پاراگريپپ، قىزىلشا، ج ر ۆ ي، مەنينگوكوكك، سترەپوتكوكك، ستافيلوكوكك، ديفتەريا سياقتى باكتەريالارمەن قوسارلاسا دامۋى مۇمكىن. بۇل البەتتە اۋىر بولادى»، - دەدى مامان. دارىگەر حالىقتى ءوزىن- ءوزى ەمدەپ، الدىن الا انتيبيوتيك، ءدارى قولدانۋدان باس تارتۋعا شاقىردى.

«يممۋندىك ستيمۋلياتسيا، مودۋلياتسيا، انتيبيوتيكالىق تەراپيا - ەمنىڭ بارلىق وسى تۇرلەرى زەرتحانالىق دياگنوستيكالاۋ ارقىلى جانە دارىگەردىڭ باقىلاۋىمەن جۇرگىزىلۋى ءتيىس. ءوزىن ءوزى ەمدەۋ ارقىلى اۋىرعاننان دا كوپ قيىندىققا ۇشىراۋ ابدەن مۇمكىن. ءوز اعزاڭىزدى دارىلەرمەن تولتىرىپ، وسى پرەپاراتتارعا ميكروبتار ءۇشىن جاعداي جاساۋدىڭ قاجەتى جوق. ويتكەنى كەيىن اۋىرعان كەزدە بۇل پرەپاراتتاردىڭ اسەرى بولمايدى»، - دەپ اتاپ ءوتتى ول.

سونىمەن بىرگە، راۋشان تەسوۆا- بەردالينا جۇقتىرۋدان ساقتانۋدا جەكە قورعانىستى قامتاماسىز ەتۋ ماقساتىندا ماسكانى دۇرىس تاعۋعا كەڭەس بەرەدى.

«ماسكا تولىقتاي اۋىز بەن مۇرىندى جاۋىپ تۇرۋى كەرەك. ىلعالدى جانە دىمقىل ماسكانى جاڭاسىنا، قۇرعاعىنا اۋىستىرۋ كەرەك جانە بىررەتتىك ماسكانى قايتالاپ قولدانۋعا بولمايدى. ماسكانى شەشەر كەزدە، ونىڭ بەتكى جاعىنا قول تيگىزبەۋگە تىرىسىڭىز. قولىڭىزدى سابىنمەن جانە سپيرتتىك قۇرالمەن مۇقيات جۋىڭىز»، - دەدى مامان.

قازىرگى كۇز- قىس ماۋسىمىندا جەكە گيگيەنانى، الەۋمەتتىك قاشىقتىقتى ساقتاۋ، ەڭ باستىسى - ماۋسىمعا قاراي كيىنىپ، مۇمكىندىگىنشە سۋىق تيگىزبەي، جۇيەلى جانە ساپالى تاماقتانۋعا كەڭەس بەرىلەدى.

اۆتور: گۇلميرا عوسمانالي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات