+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاننىڭ بەس وبلىسىندا قۇس تۇماۋى تىركەلدى

21 قىركۇيەك 16:39
:ءبولىسۋ
قازاقستاننىڭ بەس وبلىسىندا قۇس تۇماۋى تىركەلدى

نۇر- سۇلتان. قازاقپارات - ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا ءبىرقاتار وڭىردەگى ەپيزووتيالىق جاعداي تۋرالى بايان ەتتى، دەپ حابارلايدى قازاقپارات ءتىلشىسى.

«بۇگىنگە دەيىن 47 ەلدىمەكەندە (25 اۋدان مەن 5 وبلىستا) قۇس تۇماۋىنان قۇستاردىڭ قىرىلۋ فاكتىسى تىركەلدى. جەكە ۇيلەردە 12926 ءۇي قۇسى، سونداي- اق سولتۇستىك قازاقستانداعى قۇس فابريكالارىندا 41 مىڭ قۇس قىرىلدى. ايماقتاردى ءبولىپ قارايتىن بولساق، س ق و- دا 27 اۋداندا (11 اۋداندا) قۇستىڭ قىرىلۋ فاكتىسى تىركەلدى. ونىڭ ىشىندە قۇس تۇماۋى 23 ەلدىمەكەندە (8 اۋداندا) راستالدى. تيىسىنشە 17 - قىركۇيەكتەن باستاپ اۋىل شارۋاشىلىعى مينيسترلىگى سولتۇستىك قازاقستانداعى جەتى اۋداننان جانە ايىرتاۋ اۋىلدىق وكرۋگىنەن قۇس ونىمدەرىن شىعارۋعا ۋاقىتشا تىيىم سالدى»، - دەدى گۇلميرا يسايەۆا و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، قۇس ونىمدەرىن سىرتقا شىعارۋعا تىيىم سالىنعان جەتى اۋداننىڭ قاتارىندا تيميريازيەۆ، جامبىل، قىزىلجار، تايىنشا، شال اقىن، ع. مۇسىرەپوۆ جانە م. جۇمابايەۆ اۋداندارى بار.

«19-21 - قىركۇيەك ارالىعىندا «بەسكول» قۇس فابريكاسىندا 41 مىڭعا تارتا قۇس قىرىلدى. اقمولا وبلىسى تۋرالى ايتار بولساق، 5 اۋداننىڭ 9 اۋىلىندا قۇستىڭ قىرىلۋ فاكتىسى تىركەلدى. جالپى 286 قۇس ءولدى. تيىسىنشە 19- قىركۇيەكتەن باستاپ اقمولا وبلىسىنىڭ جارقايىڭ اۋىلدىق وكرۋگىنەن قۇس ونىمدەرىن سىرتقا شىعارۋعا ۋاقىتشا تىيىم سالىندى. ودان بولەك، قوستاناي وبلىسىنىڭ 6 اۋدانىندا وسىنداي جاعداي تىركەلىپ، ول جاقتاردا 505 قۇس قىرىلدى»، - دەدى ول.

ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا قازاقستاندا قۇس تۇماۋى قالاي ءورشىپ كەتكەنىن ايتىپ بەردى.

«ەپيزووتيالىق زەرتتەۋ جۇمىستارى كورسەتكەندەي، الدىمەن، سولتۇستىكتەن وڭتۇستىككە كوشىپ بارا جاتقان جابايى قۇستاردىڭ ءولىمى تىركەلگەن. اۋرۋ ورتاق سۋ قويماسىن پايدالانۋدان كەلگەن. لابوراتوريالىق زەرتتەۋ جۇمىستارى جۇرگىزىلگەننەن كەيىن، قۇستاردىڭ قانداي دياگنوزدان قىرىلعانى بەلگىلى بولدى - ول جوعارى پاتوگەندى قۇس تۇماۋى. مونيتورينگ بارىسىندا جابايى قۇستاردىڭ (اققۋلار مەن ۇيرەكتەردىڭ)، قارعالار مەن ساۋىسقانداردىڭ، كوگەرشىندەردىڭ قىرىلعانى انىقتالدى»، - دەدى ول بۇگىن و ك ق- دا وتكەن باسپا ءسوز ءماسليحاتىندا.

ۆيتسە- ءمينيستردىڭ ايتۋىنشا، پەتروپاۆلداعى ورتالىق باقتا قىرىلعان قارعالار، ساۋىسقاندار مەن كوگەرشىندەر جينالىپ الىنىپ، ورتەلگەن.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات