+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قۇس تۇماۋى: قازاقستاندا جۇمىرتقا تاپشىلىعى تۋىنداۋى مۇمكىن بە

21 قىركۇيەك 17:04
:ءبولىسۋ
قۇس تۇماۋى: قازاقستاندا جۇمىرتقا تاپشىلىعى تۋىنداۋى مۇمكىن بە

نۇر- سۇلتان. قازاقپارات - بەس وبلىستا تىركەلگەن قۇس تۇماۋىنا بايلانىستى ەلدە جۇمىرتقا تاپشىلىعى تۋىنداۋى مۇمكىن بە؟ بۇل سۇراققا اۋىل شارۋاشىلىعى مينيسترلىگىنىڭ مال شارۋاشىلىعى ءونىمىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ەركەبۇلان احمەتوۆ جاۋاپ بەردى، دەپ حابارلايدى قازاقپارات ءتىلشىسى.

«قازىرگى تاڭدا قازاقستاندا 35 قۇس اسىراۋ كەشەنى جۇمىس ىستەپ تۇر. ولاردىڭ قۋاتى ىشكى نارىقتىڭ قاجەتتىگىن جاۋىپ بەرە الادى. ولار سونىمەن بىرگە ءونىمىن ەكسپورتقا دا شىعارادى. قازاقستاننىڭ قۇس فابريكالارى جىلىنا 5 ميلليارد جۇمىرتقا وندىرەدى. ىشكى نارىق 106 پايىزعا ورىندالىپ وتىر»، - دەدى ەركەبۇلان احمەتوۆ و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، جىل باسىنان بەرى ەلدە جۇمىرتقانىڭ باعاسى بەس پايىزعا ارزانداعان. ال قۇس تۇماۋى شىققان سولتۇستىك قازاقستانداعى بەس قۇس فابريكاسى جۇمىرتقا وندىرۋمەن اينالىسادى.

«كارانتين شارالارىنا بايلانىستى ەكى قۇس فابريكاسىنىڭ قۋاتى تومەندەپ قالدى. الايدا شەكتەۋ بولعانىمەن، قالعان قۇس فابريكالارى ءوز قۋاتىنىڭ ەسەبىنەن بۇل قاجەتتىلىكتى جابادى. وبلىس بۇگىنگى كۇنى جۇمىرتقا جاعىنان ءوزىن- ءوزى قامتاماسىز ەتىپ وتىر»، - دەدى دەپارتامەنت ديرەكتورى.

ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا قۇس تۇماۋىنان شىعىنعا باتقان شارۋا يەلەرىنە مەملەكەتتەن 400 ميلليون تەڭگە بولىنەتىنىن ءمالىم ەتتى.

«ەپيزووتياعا قارسى رەسپۋبليكالىق وترياد قىرىلعان قۇس ءۇشىن وتەماقى تولەيتىن رەسمي ۇيىم سانالادى. جىل بويى اكىمدىكتەردە قىرىلعان مال مەن قۇستىڭ نارىقتاعى قۇنىن ايقىنداپ بەرەتىن ارنايى كوميسسيالار جۇمىس ىستەيدى. اكىمدىكتەردىڭ شەشىمىنە سايكەس ەپيزووتياعا قارسى رەسپۋبليكالىق وترياد ايماقتىڭ ۆەتەرينارلىق قىزمەتىنەن كەرەكتى ماتەريالداردىڭ ءبارىن الىپ، قۇسى قىرىلعان ءاربىر شارۋا يەسىنىڭ شوتىنا وتەماقى اۋدارادى. ەگەر قۇجاتتاردىڭ ءبارى دۇرىس بولسا، وتەماقى ءۇش كۇننىڭ ىشىندە ءتۇسۋى كەرەك. بۇگىنگى تاڭدا وتريادتا 390 ميلليون تەڭگە جيناقتالعان. وسى سوما جەكە شارۋاشىلىقتا باعىلعان جانە قۇس تۇماۋىنان قىرىلعان قۇستاردىڭ باعاسىنىڭ ايقىندالۋىمەن وتەماقى رەتىندە بەرىلەدى»، - دەدى گۇلميرا يسايەۆا و ك ق- دا وتكەن باسپا ءسوز ءماسليحاتىندا.

ەسكە سالا، كەتسەك بۇعان دەيىن اۋىل شارۋاشىلىعى ۆيتسە- ءمينيسترى گۇلميرا يسايەۆا قازاقستاننىڭ بەس وبلىسىندا قۇس تۇماۋى تىركەلگەنىن ءمالىم ەتكەن ەدى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات