+7 (701) 759 90 19
17 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كوروناۆيرۋسپەن اۋىرماۋ ءۇشىن قانداي ەرەجەلەردى قاتاڭ ساقتاۋ كەرەك

21 قىركۇيەك 19:32
:ءبولىسۋ
كوروناۆيرۋسپەن اۋىرماۋ ءۇشىن قانداي ەرەجەلەردى قاتاڭ ساقتاۋ كەرەك

نۇر- سۇلتان. قازاقپارات - كوروناۆيرۋس ينفەكتسياسىنان جازىلعاننان كەيىن دەنساۋلىقتىڭ قانداي كورسەتكىشتەرىن باقىلاۋ كەرەك؟ كوروناۆيرۋس ىندەتى كەزىندە يممۋنيتەتتى قالاي ساقتاۋعا بولادى؟

انتيبيوتيكتى دۇرىس قولدانباۋدىڭ سالدارى قانداي بولماق؟ بۇل تۋرالى قازاقپارات تىلشىسىنە ەۋرازيا مەديتسينا قاۋىمداستىعىنىڭ باسقارما ءتوراعاسى نادەجدا پەتۋحوۆا ايتتى.

دارىگەردىڭ ايتۋىنشا، قازىرگى ۋاقىتتا كوروناۆيرۋس ينفەكتسياسى بويىنشا جاعداي تۇراقتالىپ، اۋىرعاندار سانى ازايا باستادى.

«قازىر تۇماۋعا قارسى ۆاكتسينا ەگۋ ناۋقانى ءجۇرىپ جاتىر. ونىڭ تيىمدىلىگى ايتارلىقتاي جوعارى -% 60. ەگدە جاستاعى ادامدارعا، بالالارعا، دارىگەرلەرگە، مۇعالىمدەرگە جانە سوزىلمالى اۋرۋلارمەن اۋىراتىندارعا جانە كوپ ادامدارمەن بايلانىسقا تۇسەتىندەرگە ۆاكتسينا ەگۋ كەرەك. ۆاكتسينا 14 كۇننەن كەيىن يممۋنيتەتتى قالىپتاستىرادى. ۆاكتسينا كوروناۆيرۋستان قورعامايتىنىن ايتىپ ءوتۋ كەرەك. ەگەر ادام تۇماۋمەن اۋىر اسقىنۋلارمەن اۋىرسا جانە ونىڭ يممۋنيتەتى السىرەسە، وندا كوروناۆيرۋستىڭ جۇقتىرۋ ىقتيمالدىعى ەداۋىر ارتادى»، - دەپ ءتۇسىندىردى نادەجدا پەتۋحوۆا.

ونىڭ ايتۋىنشا، كوروناۆيرۋستان ەمدەلگەننەن كەيىن دە مەديتسينالىق تەكسەرىستەن ءوتۋ كەرەك، سەبەبى تۇبەگەيلى زەرتتەلمەگەن ءقاۋىپتى ۆيرۋس ادامعا زيانىن تيگىزە بەرەدى.

«ۇلى بريتانياداعى عالىمداردىڭ زەرتتەۋى بويىنشا، كوروناۆيرۋستان ەمدەلگەندەردىڭ %70 ىنىڭ جۇرەك بۇلشىقەتى زاقىمدانۋىنان زارداپ شەگەدى. سونداي- اق، بۇيرەك، باۋىر، جۇيكە جۇيەسى دە زاقىمدانادى. سول سەبەپتى مەديتسينالىق تەكسەرىستەن ءوتىپ، بىرتىندەپ وڭالتۋ شارالارىن جۇرگىزۋ كەرەك»، - دەيدى ول.

ول قازىرگى ۋاقىتتا ەمحانالاردا ارنايى وڭالتۋ بولىمدەرى بار ەكەنىن ايتتى. ادامنىڭ جاسىنا، كوروناۆيرسۋپەن قانشالىقتى اۋىر اۋىرعانىنا بايلانىستى دارىگەر قاجەتتى ۇسىنىمداردى ايتادى. ونىڭ پىكىرىنشە، يممۋنيتەتتى ساقتاۋ ماسەلەسى ءبىر كۇننىڭ، اپتانىڭ نەمەسە ايدىڭ ماسەلەسى ەمەس.

«قازىر تاعامدىق قوسپالار، دارۋمەن ساتىپ الۋ يممۋندىق جۇيەنى كۇشەيتەدى دەپ ويلاۋ سانگە اينالدى. ەڭ باستىسى - فيزيكالىق بەلسەندىلىك رەجيمىن ساقتاۋ كەرەك، ودان كەيىن ۋاقتىلى تاماقتانۋدى جانە 7-8 ساعاتتىق ۇيقىنى قالىپقا كەلتىرۋدى قولعا الۋ كەرەك. تاعى ءبىر ماڭىزدى ماسەلە - تازا اۋادا كوپ ءجۇرۋ. سكانديناۆيالىق ءجۇرۋ ءادىسى دە دەنساۋلىقتى ايتارلىقتاي جاقسارتادى جانە تىنىس الۋ جۇيەسىن قالىپقا كەلتىرۋگە كومەكتەسەدى»، - دەيدى نادەجدا پەتۋحوۆا.

ونىڭ ايتۋىنشا، كوروناۆيرۋس ينفەكتسياسىنا قارسى انتيبيوتيكتەردى قولدانۋدىڭ ەش نەگىزى جوق. اۋرۋدىڭ پاتوگەنەزى ۆيرۋس بولعاندىقتان - انتيبيوتيكتەر باكتەريالىق ينفەكتسيا قوسىلعان كەزدە تاعايىندالادى.

«دارىگەردىڭ كەڭەسىنسىز انتيبيوتيك قابىلداۋدىڭ قاجەتى جوق. ول اۋرۋدى اسقىندىرىپ قانا قويماي، الداعى ۋاقىتتا انتيبيوتيككە تۇراقتى سەزىمتالدىقتى جويادى»، - دەيدى دارىگەر. ول كوروناۆيرۋس ىندەتى ادامدارعا دەنساۋلىقتىڭ قادىرىن بىلۋگە، جاقىندارىڭا جاناشىر بولۋعا ۇيرەتتى. «ەگەر اۋرۋدىڭ بەلگىلەرى بولسا، بۇرىنعىداي جۇمىسقا بارا بەرۋدىڭ قاجەتى جوق. سىزگە ءومىر سالتىن وزگەرتۋ كەرەك جانە دوستارىڭىزبەن بىرگە ءدامحانا، مەيرامحاناعا بارماي، ساياباقتا نەمەسە قالادان تىس جەردە سەرۋەندەۋ كەرەك. سوزىلمالى اۋرۋى بار ناۋقاستار ۇنەمى تەكسەرىلىپ، سالاۋاتتى ءومىر سالتىن ساقتاۋ جونىندەگى ۇسىنىستاردى ورىنداعانى ابزال. «قوعامنىڭ ساۋلىعى دەگەنىمىز - ءار ادامنىڭ ءوز دەنساۋلىعىن ساقتاپ، باقىلاپ وتىرۋى» دەگەن ءسوز كوڭىلىمنەن شىعادى»، - دەيدى ەۋرازيا مەديتسينا قاۋىمداستىعىنىڭ باسقارما ءتوراعاسى نادەجدا پەتۋحوۆا.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات