+7 (701) 759 90 19
-1 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ب ۇ ۇ- نىڭ مەرەيتويلىق سەسسياسى: انتونيۋ گۋتەرريش مالىمدەمە جاسادى

21 قىركۇيەك 21:01
:ءبولىسۋ
ب ۇ ۇ- نىڭ مەرەيتويلىق سەسسياسى: انتونيۋ گۋتەرريش مالىمدەمە جاسادى

نۇر- سۇلتان. قازاقپارات - نيۋ- يوركتە بىرىككەن ۇلتتار ۇيىمى باس اسسامبلەياسىنىڭ 75-سەسسياسى ءوتىپ جاتىر. ونىڭ بارىسىندا ۇيىمنىڭ باس حاتشىسى انتونيۋ گۋتەرريش مالىمدەمە جاسادى، دەپ حابارلايدى قازاقپارات ءتىلشىسى.

«وسىناۋ اتاۋلى داتا قارساڭىندا حاتشىلىق (ب ۇ ۇ باس اسسامبلەياسىنىڭ حاتشىلىعى) بۇكىل الەمدە ميلليوننان استام ادامدى قامتىعان جاھاندىق تالقىلاۋدى وتكىزىپ، ونىڭ اياسىندا اسىرەسە، جاستاردىڭ داۋىسىنا باسىمدىق بەردى. تالقىلاۋعا قاتىسۋشىلاردىڭ بارلىعى دا وزدەرىنىڭ قورقىنىشىمەن، بولاشاققا دەگەن ۇمىتىمەن ءبولىستى. ولار بۇگىنگى كۇننىڭ وزەكتى پروبلەمالارىن شەشۋ ءۇشىن حالىقارالىق ىنتىماقتاستىق ومىرلىك ماڭىزعا يە بولىپ وتىرعاندىعىن ايتۋدا. COVID-19 ىندەتى جاعدايىندا مۇنداي ىنتىماقتاستىققا قەجەتتىلىك بارىنشا وزەكتى بولا تۇسكەندىگىنە دە ءمان بەرۋدە. ولار الەمگە دەنساۋلىق ساقتاۋ جۇيەسىنىڭ، بارلىعىنا نەگىزگى قىزمەتتەردى كورسەتۋ جۇيەسىنىڭ قاجەتتىگىن اتاپ ءوتىپ وتىر. ولار ءۇشىن ب ۇ ۇ - بۇل ونىڭ كۇشىمەن الەمدە جاقسارتا تۇسۋگە بولاتىن قۇرال. ولار ءبىزدى «قازىرگى سىناقتارعا ابىرويمەن توتەپ بەرەدى» دەپ ءۇمىت ارتادى»، - دەدى انتونيۋ گۋتەرريش.

ونىڭ اتاپ وتۋىنشە، بۇل رەتتەگى جاۋاپكەرشىلىك ب ۇ ۇ- عا مۇشە مەملەكەتتەرگە ارتىلىپ وتىر. ويتكەنى، مۇشە مەملەكەتتەر بىرىككەن ۇلتتار ۇيىمىن قۇردى ءارى ولار الەمدى جاقسارتا تۇسۋگە مۇمكىندىك بەرەتىن قۇرالداردى پايدالانا وتىرىپ، وعان قامقورلىقپەن جانە ۇقىپتىلىقپەن قاراۋى ءتيىس.

«بۇل – ب ۇ ۇ حالىقتارى الدىنداعى پارىزىمىز. بۇل - ورتالىق قۇندىلىقتاردىڭ جالعاسۋى ءۇشىن ءومىرىن قيعان بىتىمگەرلەر، ديپلوماتتار، گۋمانيتارلىق كومەك قىزمەتكەرلەرى جانە بارلىعى الدىنداعى - مىندەتىمىز. ۇيىمىمىزدى قۇرۋشىلار ءوز قىزمەتتەرىن جانجال ءورشىپ تۇرعان كەزدە باستاعان بولاتىن. ەندى ءبىز الەمدى قاۋىپتەن ارىلتۋ ءۇشىن وسى جولدى جالعاستىرۋىمىز قاجەت»، - دەدى ول.

ەسكە سالايىق، ب ۇ ۇ باس اسسامبلەياسىنىڭ جۇمىسىنا قازاقستان پرەزيدەنتى قاسىم- جومارت توقايەۆ تا قاتىسىپ، اعىلشىن تىلىندە ەكى بەينەۇندەۋ جاسايدى. ونىڭ ءبىرى - ۇيىمنىڭ 75 -جىلدىعىنا ارنالسا، ەكىنشىسى - كۇن تارتىبىندەگى دەباتقا قاتىستى. ديپلوماتتار مەن شولۋشىلاردىڭ پىكىرىنشە، بۇل جولعى اسسامبلەيا ۇيىمنىڭ مەرەيتويىنان بولەك، قاشىقتان ZOOM- ديپلوماتيا تۇرىندە وتەتىنىمەن ەرەكشەلەنەدى. بۇگىن مەرەكەلىك بولىمدەگى شاعىن رەسمي راسىمدە انتونيو گۋتتەريش شتاب- پاتەردە بولىپ، ءسوز سويلەيتىنىن بۇعان دەيىن حابارلاعان بولاتىنبىز. مەرەيتويلىق سەسسيا «ءبىز قالايتىن بولاشاق، بىزگە قاجەت بىرىككەن ۇلتتار ۇيىمى: مۋلتيلاتەراليزمگە ۇجىمدىق بەيىلدىلىگىمىزدى ناقتىلاۋ» دەگەنۇرانمەن وتەدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات