+7 (701) 759 90 19
-20 °С : نۇر-سۇلتان
-5 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

الماتى وبلىسىندا مەديتسينالىق بۇيىمداردى شىعاراتىن جاڭا زاۋىت اشىلادى

20 قازان 16:03
:ءبولىسۋ
الماتى وبلىسىندا مەديتسينالىق بۇيىمداردى شىعاراتىن جاڭا زاۋىت اشىلادى

الماتى. قازاقپارات - الماتى وبلىسىندا مەديتسينالىق ماقساتتاعى بۇيىمداردى شىعاراتىن جاڭا زاۋىت اشىلادى، دەپ حابارلايدى قازاقپارات ءتىلشىسى.

جاڭا ءوندىرىس 2020-2025 -جىلدارعا ارنالعان فارماتسيەۆتيكالىق جانە مەديتسينالىق ونەركاسىپتى دامىتۋ جونىندەگى كەشەندى جوسپار شەڭبەرىندە ىسكە قوسىلادى.

جوسپارعا سايكەس، قازاقستاندا فارماتسيەۆتيكالىق سالا ءوندىرىسىنىڭ كولەمىن جانە دارىلىك زاتتار ەكسپورتىن 2 ەسە ۇلعايتۋ كوزدەلىپ وتىر. ق ر پرەمەر- ءمينيسترى اسقار مامين ۇكىمەت وتىرىسىندا فارماتسيەۆتيكا ونەركاسىبى ەكونوميكانىڭ وتە ماڭىزدى سەكتورى جانە حالىقتىڭ ءومىرى مەن دەنساۋلىعى قاۋىپسىزدىگىنىڭ نەگىزى سانالاتىنىن ايتقان بولاتىن. وتىرىس بارىسىندا ستراتەگيالىق قۇجات قارالدى. مينيستر وتاندىق فارماتسيەۆتيكا وندىرىسىنە قاتىستى مەملەكەتتىك قولداۋ شارالارىن كەڭەيتۋدى تاپسىردى.

ايتا كەتەيىك، 2020 -جىلدىڭ 8 ايىنىڭ قورىتىندىسى بويىنشا ق ر فارماتسيەۆتيكا ونەركاسىبىندەگى ءوندىرىس كولەمى % 34,1، ياعني 81,5 ميلليارد تەڭگەگە دەيىن وسكەن. بۇل وسىمگە «Dolce» ج ش س كومپانياسى ۇلكەن ۇلەس قوستى، ول ءوندىرىس كولەمىن % 58- عا ارتتىردى جانە اتالعان جەتىستىكتەردى توقتاتپاۋعا كۇش سالادى.

«يننوۆاتسيالىق تەحنولوگيالار پاركى» ارنايى ەكونوميكالىق ايماعىنىڭ شەڭبەرىندە «Dolce» ج ش س «مەلتبلاۋن» ۇلگىسىندەگى ماتەريالدى (مەديتسينالىق ماسكالارعا ارنالعان سۇزگى)، مەديتسينالىق ماسكالارعا ارنالعان رەزەڭكە جولاقتاردى، ءبىر رەتتىك مەديتسينالىق قولعاپتاردى، ستەريلدى شىعىس ماتەريالدارىن (داكەدەن جاسالعان بۇيىمدار وزگە دە مەديتسينالىق قاجەتتىلىكتەر) ءوندىرۋ بويىنشا زاۋىت سالۋدى جانە وندىرىستىك- لوگيستيكالىق ورتالىق قۇرۋدى جوسپارلاپ وتىر.

مەديتسينالىق ماقساتتاعى ءبىر رەتتىك بۇيىمداردى، كاسىبي شىعىس ماتەريالدارىن، ءبىر رەتتىك كيىمدەردى، سونداي- اق دارىلىك زاتتاردى شىعاراتىن قازاقستاندىق ءىرى ءوندىرۋشى «Dolce» ج ش س جاڭا زاۋىتى 100-دەن استام ءونىم ءتۇرىن شىعارادى. كاسىپورىننىڭ وندىرىستىك قۋاتى - جىلىنا 150 ميلليون تەڭگە. سونىمەن قاتار زاۋىت 300-دەن استام ادامدى جۇمىس ورنىمەن قامتاماسىز ەتەدى.

«جاڭا زاۋىتتىڭ اشىلۋى نارىقتى قولجەتىمدى باعامەن، ساپالى ونىممەن قامتاماسىز ەتىپ قانا قويماي، الەۋمەتتىك باعىتتاعى ماسەلەلەردى شەشۋگە دە مۇمكىندىك بەرەدى. 300 ادامدى جۇمىس ورنىمەن قامتاماسىز ەتۋ جوسپارلانىپ وتىر. ساراپشىلار جۇمىسسىزدىقتىڭ پاندەميادان كەيىنگى باستى پروبلەمانىڭ ءبىرى بولاتىنىن بىرنەشە رەت ايتتى. كۇردەلى جاعدايعا قاراماستان جاڭا جۇمىس ورىندارىن قۇرۋ - ءبىزدىڭ بۇل ماسەلەنى شەشۋگە قوسقان ۇلەسىمىز»، - دەدى «Dolce Group» ج ش س ديرەكتورلار كەڭەسىنىڭ ءتوراعاسى ەلەنا لي.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات