+7 (701) 759 90 19
-20 °С : نۇر-سۇلتان
-5 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

تانىمالى جازۋشى شەتتەن كوشىپ كەلگەن قانداسىنا ءۇيىن تەگىن بەرگەن

20 قازان 17:02
:ءبولىسۋ
تانىمالى جازۋشى شەتتەن كوشىپ كەلگەن قانداسىنا ءۇيىن تەگىن بەرگەن

نۇر- سۇلتان. قازاقپارات- دۋلات يسابەكوۆ - جازۋشى، دراماتۋرگ، قازاقستان رەسپۋبليكاسى مەملەكەتتىك سىيلىعىنىڭ يەگەرى. - شەتتەن كوشىپ كەلگەن قانداسىڭىزعا ءبىر ءۇيىڭىزدى تەگىن بەرىپسىز، ول قالاي بولدى؟

- ءۇي بولعاندا، ەڭسەلى داچا- ساياجاي عوي. ونى مەن مۇحتار شاحانوۆتان ساتىپ العانمىن. سوندا ءوزىمىز بىرنەشە جىل وتىرىپ، وسىندا كوشىپ كەلدىك. بوس تۇردى. ءبىر كۇنى ءبىزدىڭ ۇيگە ەكى ايەل كەلدى دە، «ءۇيىڭىزدى ارەڭ تاپتىق، ءسىزدىڭ داچاڭىزدىڭ قاسىندا پاتەر جالداپ تۇرامىز. مونعوليادان كوشىپ كەلگەنبىز، جەتى بالامىز بار، قولىمىزدا ۇلكەن- كىسىلەر بار، ءسىزدىڭ ءۇيدى ساتىپ الساق دەپ ەدىك»، - دەپ مەنى سول جاققا باستاپ باردى.

الگى ەكى ايەلدىڭ ءبىرىنىڭ كۇيەۋى سارى وزەكتە جول قۇرىلىسىندا جۇمىس ىستەيدى ەكەن. «كۇيەۋىڭ ايىنا قانشا جالاقى الادى؟ «، - دەپ سۇراپ ەدىم، «500 دوللار»، - دەدى. «مىنا ءۇيىمدى قانشاعا الاماقسىڭدار؟ «، - دەگەنىمدە، «ايىنا 500 دوللاردان بەرىپ تۇرايىق، بىزگە بەرىڭىز» دەپ جاۋاپ قاتتى. بالالارى قۋانىپ، «ءبىز وسى ءۇيدى الاتىن بولدىق، قانداي باقىتتىمىز!»، - دەسىپ ءۇيدى اينالىپ، ءبىرىن- ءبىرى قۋالاپ جۇگىرە جونەلگەنى. الگى ءساتتى كورىپ، جەتىم وسكەن مەنىڭ كوزىمنەن جاس توگىلىپ كەتتى. «ياپىر- اي، ەگەر انا بالالاردىڭ باقىتى وسى ءۇي بولسا، وندا نەگە تەگىن بەرە سالمايمىن» دەپ ويلاپ، «ەندەشە مىنا بالامنىڭ قولىنا 500 دوللار سالىڭىز، ىرىمى بولسىن، وسى 7 بالاعا قوسقانىم بولسىن، وسىلار امان بولسا، ءبىر ءجونى بولار، سوسىن ءۇيدى تەگىن الىڭىزدار»، - دەدىم. ولار سەنبەي تۇرىپ قالدى.

كەيىن ءبىر ايدان كەيىن الگى باۋىرلارىم تاعى 500 دوللارىن الىپ ۇيگە كەلىپتى. ول كەز تامىزدىڭ اياعى ەدى. «بيىل بالالارىڭ مەكتەپكە بارادى ەكەن، بۇل اقشاعا وسىلارعا كيىم الىپ بەرىڭدەر»، - دەپ قايتاردىم. وسى كۇنگە دەيىن جەتى بالانىڭ ءۇيدى اينالا جۇگىرگەنى كوز الدىمدا. ولاردى قۋانتقان ءساتىمدى ويلاسام، وزىمە ىشتەي رازى بولامىن. سودان كەيىن ەكى وتباسى جاقىن ارالاسىپ كەتتىك.

دۋلات يسابەكوۆتىڭ «قازاق ادەبيەتى» گازەتىنە بەرگەن سۇحباتىنان


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات