+7 (701) 759 90 19
-7 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

بوكستان ق ر چەمپيوناتىنىڭ ءۇشىنشى كۇنى: العاشقى نوكاۋت پەن نوكداۋندار لەگى

25 قاراشا 22:05
:ءبولىسۋ
بوكستان ق ر چەمپيوناتىنىڭ ءۇشىنشى كۇنى: العاشقى نوكاۋت پەن نوكداۋندار لەگى

شىمكەنت. قازاقپارات - بوكستان قازاقستان چەمپيوناتىنىڭ ءۇشىنشى كۇنى تارتىستى ءوتتى. شارشى الاڭعا شىققان بوكسشىلار كەلەسى كەزەڭگە ءوتۋ ءۇشىن ايانىپ قالعان جوق، دەپ حابارلايدى قازاقپارات ءتىلشىسى.

ەل چەمپيوناتىنىڭ تاڭەرتەڭگى سەسسياسىندا 69 كەلىگە دەيىنگى سالماقتا قىزدار اراسىنداعى جارتىلاي فينالعا شىققان بوكسشىلار ايقىندالدى. وليمپيادا جۇلدەگەرى الماتىلىق داريعا شاكىموۆا مەن قاراعاندىلىق جاسمين قيزاتوۆا، ەلوردالىق الەم چەمپيونى ۆالەنتينا حالزوۆا مەن جامبىلدىق بالجان اسقار اتالعان سالماقتاعى باس جۇلدەنى ساراپقا سالاتىن بولدى. ەرلەر اراسىندا 52 جانە 57 كەلىگە دەيىنگى سالماقتا جارتىلاي فينالعا بۇعان دەيىن قاتارىنان وزىق شىققان بوكسشىلار ىلىكتى. اتاپ ايتقاندا، ماحمۇد سابىرحان، ساكەن بيبوسىنوۆ، جارىستى ارى قاراي جالعاستىرادى. سونىمەن بىرگە وليمپيادالىق ليتسەنزيانى يەلەنگەن پاۆلودارلىق سەرىك تەمىرجانوۆ تا جەكپە- جەكتى ۋاقىتىنان بۇرىن اياقتاپ، كەلەسى كەزەڭگە ءوتتى.

63 كەلىگە دەيىنگى سالماقتا جاسىنداي جارقىلداپ جۇرگەن زاكىر سافيۋللين دە بۇگىنگى سىننان سۇرىنگەن جوق. ول دا وليمپيادا ليتسەنزيانىڭ يەگەرى. تۇركىستان وبلىسىنان كەلگەن 25 جاستاعى بوكسشى بەكداۋلەت يبراگيموۆ ەل چەمپيوناتىنداعى العاشقى جەكپە- جەگىن الماتىلىق ايتجان ءاشىرحانعا قارسى وتكىزدى. كەزدەسۋ ۇزاققا سوزىلعان جوق. 19 جاستاعى ايتجاننىڭ قاباعى جىرىلىپ كەتىپ، ايقاستى توقتاتۋعا تۋرا كەلدى.

يبراگيموۆ جارتىلاي فينالدا الماتىلىق ءدىلمۇرات ميجيتوۆپەن قولعاپ تۇيىستىرەدى. ميجيتوۆ تا قارسىلاسىن ەكى رەت نوكداۋنعا جىبەرىپ، مىقتىلىعىن دالەلدەدى. الەم چەمپيوناتتارىنىڭ فيناليسى، توكيو وليمپياداسىنىڭ ليتسەنزياسىن العان ءابىلحان امانقۇل 75 كەلىگە دەيىنگى سالماقتا مەرزىمىنەن بۇرىن تاعى ءبىر ايقاستى اياقتادى. ونىڭ قارسىلاسى قاراعاندىلىق ەرسۇلتان سوۆەتوۆ العاشقى راۋندتا- اق ەكى نوكداۋن الدى. ەكىنشى راۋندتان كەيىنگى نوكداۋننان سوڭ تورەشى ايقاستى توقتاتىپ تاستادى. ءابىلحان كەلەسى كەزەكتە 21 جاستاعى تۇركىستاندىق بوكسشى بەكزات سابىرمەن ءوزارا مىقتىنى انىقتايدى. ءوز كەزەگىندە بەكزات ءبىرىنشى راۋندتا اۋىر نوكاۋتقا ۇشىراتتى. بۇل سالماقتا باس جۇلدەدەن 15 جىلدىق تاجىريبەسى بار ەرىك ءالجانوۆتىڭ دا تالاسى بار. ەسكە سالايىق، بوكستان قازاقستان چەمپيوناتى شىمكەنت قالاسىندا ءوتىپ جاتىر.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات