+7 (701) 759 90 19
-7 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

تۇركىستاندا بالالار مەن جاس وسپىرىمدەر تۋريزمىن دامىتۋ جوباسى جۇزەگە اسىرىلۋدا

26 قاراشا 08:40
:ءبولىسۋ
تۇركىستاندا بالالار مەن جاس وسپىرىمدەر تۋريزمىن دامىتۋ جوباسى جۇزەگە اسىرىلۋدا

تۇركىستان. قازاقپارات - تۇركىستاندا بالالار مەن جاس وسپىرىمدەر تۋريزمىن دامىتۋ ماقساتىندا «ءتىرى ساباقتار» جوباسى جۇزەگە اسىرىلۋدا.

اۋقىمى كەڭ جوبا ءساۋىر ايىندا «اتامەكەن» ۇ ك پ مەن «Kazakh Tourism «ۇ ك» ا ق اراسىندا تۋريزمدى دامىتۋ جونىندەگى جول كارتاسى اياسىندا قولعا الىنعان بولاتىن، دەپ حابارلايدى قازاقپارات ءتىلشىسى.

اتالعان جوبا مەكتەپ باعدارلامالارىن ۆيزۋاليزاتسيالاۋ ارقىلى مەكتەپتەن تىس جەرلەردە ەكسكۋرسيالىق ساباقتار وتكىزۋ ارقىلى تۋريزمگە دەگەن قىزىعۋشىلىعىن ارتتىرۋ ماقساتىندا جۇزەگە اسىرىلۋدا.

نەگىزىنەن پيلوتتىق جوبا اعىمداعى جىلى نۇر-سۇلتان قالاسى مەن جامبىل وبلىسىندا جۇزەگە اسىرىلدى. جوبانى ىسكە اسىرۋدىڭ ءبىرىنشى كەزەڭىندە پيلوتتىق جوبا ءۇشىن ەكسكۋرسيا ادىستەمەسى مەن باعدارلاماسى ازىرلەنگەن. سونداي-اق، مەكتەپ پاندەرى مەن ساباق تاقىرىپتارى انىقتالعان.

ال، تۇركىستان وبلىسىندا ەكسكۋرسيا وتكىزۋ ءۇشىن تاريح پانىنەن (6-سىنىپ) «تۇركىستان- XII- XV عاسىرلارداعى قازاقستاننىڭ رۋحاني جانە ماتەريالدىق مادەنيەتىنىڭ ورتالىعى» تاقىرىبى تاڭدالعان.

ەكسكۋرسيالىق ساباق وبلىس ورتالىعىنداعى تاريحي-مادەني جانە ارحيتەكتۋرالىق ەسكەرتكىشتەر شوعىرلانعان «ازىرەت-سۇلتان» مەملەكەتتىك تاريحي-مادەني قورىق-مۋزەيى اۋماعىندا وتكىزىلگەن.

وبلىستىق تۋريزم باسقارماسى ۇيىمداستىرعان شاراعا كەنتاۋ قالاسى مەن وتىرار اۋدانىنان كەلگەن 100-گە جۋىق وقۋشى قاتىستى.

جاس ۇرپاقتى پاتريوتتىققا تاربيەلەۋدى كوزدەيتىن تانىمدىق ساياحات بىلىمگەرلەردىڭ تۋعان ەلدىڭ كورىكتى جەرلەرى تۋرالى مالىمەتتەرگە قانىعىپ، بىلىمدەرىن كەڭەيتۋگە مول مۇمكىندىك سىيلادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات