+7 (701) 759 90 19
-7 °С : نۇر-سۇلتان
-11 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

قىتايدىڭ كومپانياسى كوروناۆيرۋسقا قارسى ۆاكتسينانى تىركەۋگە ءوتىنىش بەردى

26 قاراشا 09:44
:ءبولىسۋ
قىتايدىڭ كومپانياسى كوروناۆيرۋسقا قارسى ۆاكتسينانى تىركەۋگە ءوتىنىش بەردى

بەيجىڭ. قازاقپارات - قىتايدىڭ Sinopharm فارماتسيەۆتيكا كومپانياسى ق ح ر- دىڭ ازىق-تۇلىك پەن ءدارى-دارمەكتى باقىلاۋ مەملەكەتتىك باسقارماسىنا COVID-19-دىڭ الدىن الاتىن ۆاكتسينانى تىركەۋگە ءوتىنىش بەردى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

Sinopharm جاڭا كوروناۆيرۋس ينفەكتسياسىنىڭ الدىن الۋ ءۇشىن ەكى يناكتيۆتەلگەن ۆاكتسينا جاساپ شىعاردى.

ولار قىتايدان بولەك پەرۋ، يوردانيا، مىسىر، ارگەنتينا، بىرىككەن اراب امىرلىكتەرى جانە باسقا دا ەلدەردە كلينيكالىق سىناقتىڭ ءۇشىنشى كەزەڭىنەن ءوتىپ جاتىر. حالىقارالىق سىناقتىڭ ءۇشىنشى فازاسىنا 60 مىڭ ەرىكتى قاتىسىپ، ولاردىڭ 40 مىڭنان استامىنا ەكى ينەكتسيادان سالىندى.

Sinopharm سىناقتىڭ قورىتىندى كەزەڭىنە قاتىستى ەشقانداي مالىمەت بەرمەگەنىمەن، قىتاي بيلىگى كەلەسى جىلدىڭ شىلدەسىندە كومپانيانىڭ ەكى ەكسپەريمەنتتى ۆاكتسيناسىن شۇعىل جاعدايدا قولدانۋعا رۇقسات بەردى.

Sinopharm باسشىلىعىنىڭ ايتۋىنشا، ۆاكتسينا قاۋىپ توبىنداعى 1 ميلليون ادامعا سالىنىپ ۇلگەرگەن.

«شۇعىل پايدالانۋعا كەلەر بولساق، ءبىز ءبىر ميلليونعا جۋىق ادامعا ۆاكتسينا ەكتىك، ءبىراق قاۋىپتى جاناما اسەرى تۋرالى بىردە-ءبىر حابار المادىق، تەك جەڭىل سيمپتوم عانا بايقالعان»، - دەدى Sinopharm باس ديرەكتورى ليۋ تسزينچجەن.

Sinopharm كومپانياسى 2020-جىلدىڭ سوڭىنا دەيىن 100 ميلليون دوزا ۆاكتسينا شىعارۋدى، ال كەلەسى جىلى ءوندىرىس كولەمىن 1 ميلليارد دوزاعا دەيىن ارتتىرۋدى جوسپارلاپ وتىر.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات