USD 434.34 EUR 491.93
RUB 5.56 CNY 68.67
جاڭالىقتار

پەرزەنتىنە قازاقشا ات قويعان ۇلى بريتانيا جازۋشىسى تۋرالى كىتاپتار قازاق تىلىنە اۋدارىلدى

28 قاراشا 10:48
:ءبولىسۋ
پەرزەنتىنە قازاقشا ات قويعان ۇلى بريتانيا جازۋشىسى تۋرالى كىتاپتار قازاق تىلىنە اۋدارىلدى

تالدىقورعان. قازاقپارات - قاپال اراساندا تۇڭعىش پەرزەنتى دۇنيەگە كەلگەن ۇلى بريتانيالىق ساياحاتشى، جازۋشى توماس ۋيتلام اتكينسون تۋرالى كىتاپتار قازاق تىلىندە جارىق كوردى، دەپ حابارلايدى قازاقپارات ءتىلشىسى.

الماتى وبلىسى اكىمىنىڭ ورىنباسارى باتىرجان بايجۇمانوۆ ۇلى بريتانيا جانە سولتۇستىك يرلانديا بىرىككەن كورولدىگىنىڭ جازۋشىلارى - جون ماسسي ستيۋارتتىڭ «توماس، ليۋسي جانە الاتاۋ: اتكينسونداردىڭ ءسىبىر مەن قازاق دالاسىنداعى وقيعالارى» جانە نيك فيلدينگتىڭ «ۇلى دالا ساياحاتشىلارى» كىتاپتارىنىڭ رەسمي تۇساۋكەسەرىنە قاتىستى.


ەكى باسىلىم دا قازاق تىلىنە اۋدارىلعان. يگى شارا قازاقستان تاۋەلسىزدىگىنىڭ 30 جىلدىعى مەرەكەسىنە وراي ۇيىمداستىرىلدى. جوبا ق ر تۇڭعىش پرەزيدەنتى - ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» اياسىندا جۇزەگە استى.


شاراعا قوس كىتاپتىڭ اۆتورلارى ونلاين قاتىستى. سونداي-اق قازاقستاننىڭ ۇلى بريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى ەرلان ىدىرىسوۆ ءوز لەبىزىن ءبىلدىردى.


ۇلى بريتانيالىق عالىم توماس ۋيتلام اتكينسون جوڭعار الاتاۋىن جانە تامشىبۇلاقتى ەرەكشە زەرتتەگەن.

تامشىبۇلاقتىڭ سۇلۋلىعىنا ءتانتى بولعانى سونشالىق، توماس پەن ليۋسي قازاق جەرىندە دۇنيەگە كەلگەن تۇڭعىش ۇلدارىنىڭ ەسىمىن الاتاۋ- تامشىبۇلاق دەپ قويعان. بۇگىندە بۇل ەسىم انگلياداعى ۇلكەن ءبىر اۋلەتتىڭ تەگىنە اينالىپ وتىر.

قازاق دالاسىنا تابانى تيگەن ساياحاتشىنىڭ التىنشى ۇرپاعى - پيپا الاتاۋ- تامشىبۇلاق حانىم قازىرگى تاڭدا لوندون ماڭىنداعى ەلدى مەكەندەردىڭ بىرىندە تۇرادى. بۇگىندە ءدال وسى اتكينسوننىڭ ۇرپاقتارى تامشىبۇلاققا ۇلى بريتانيادان ارنايى كەلىپ، اتالارىنىڭ كىندىك قانى تامعان جەردىڭ اۋاسىمەن تىنىستاپ، ساياحات جاساۋدى داستۇرگە اينالدىرعان.


اۆتور: سامال قابىشەۆا


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات