USD 434.24 EUR 492.69
RUB 5.67 CNY 68.46
جاڭالىقتار

قازاقستاننىڭ اۋىل شارۋاشىلىعى ونىمدەرى قاي ەلدەرگە ەكسپورتتالادى

30 قاراشا 11:29
:ءبولىسۋ
قازاقستاننىڭ اۋىل شارۋاشىلىعى ونىمدەرى قاي ەلدەرگە ەكسپورتتالادى

نۇر-سۇلتان. قازاقپارات - اعىمداعى جىلدىڭ 9 ايىندا ەكسپورت 950,5 ميلليون دوللاردى قۇرادى.

بۇل تۋرالى اۋىل شارۋاشىلىعى ءمينيسترى ەربول قاراشوكەيەۆ ءمالىم ەتتى، دەپ حابارلايدى قازاقپارات ءتىلشىسى.

«اعىمداعى جىلدىڭ 9-ايىندا ەكسپورت 950,5 ميلليون دوللاردى قۇرادى. ەكسپورت كولەمىنىڭ ءوسىمى 2,4%- عا جەتتى. ءسۇت ونىمدەرى بويىنشا %2 عا، ماكارون ونىمدەرى بويىنشا %37,4 عا، كۇنباعىس مايى بويىنشا %11,7 عا ۇلعايۋ بايقالدى. اگروونەركاسىپتىك كەشەن ونىمدەرى ەكسپورتىنىڭ جالپى كولەمىندەگى وڭدەلگەن ءونىم ەكسپورتىنىڭ ۇلەسى %37 دى قۇرايدى. بۇل دەڭگەيدى ءبىز ءوندىرىس كولەمىن ۇلعايتۋ جانە ەكسپورت ءۇشىن كەدەرگىلەردى جويۋ ەسەبىنەن %70 عا دەيىن ەكى ەسەلەۋگە ءتيىسپىز»، - دەدى ە. قاراشوكەيەۆ ۇكىمەت وتىرىسىندا. ەكسپورتتىڭ نەگىزگى باعىتتارى - بۇل ەۋرازيالىق ەكونوميكالىق وداققا مۇشە مەملەكەتتەر مەن ورتالىق ازيا ەلدەرىنىڭ (وزبەكستان، تاجىكستان)، اۋعانستاننىڭ، سونداي-اق ەۋروپا ەلدەرىنىڭ (گەرمانيا، يتاليا) ءداستۇرلى وتكىزۋ نارىقتارى.

«ۇلتتىق جوبا اياسىندا اۋىل شارۋاشىلىعى ونىمدەرىن وڭدەۋ سالاسىنا ينۆەستيتسيالار تارتۋدى ىنتالاندىرۋ ءۇشىن شىعىستاردىڭ ءبىر بولىگىن وتەۋ بويىنشا ينۆەستيتسيالىق سۋبسيديالار، اگروونەركاسىپتىك كەشەن سۋبەكتىلەرىنىڭ ليزينگى مەن كرەديتتەرى بويىنشا سىياقى مولشەرلەمەلەرى، وڭدەۋشى كاسىپورىنداردىڭ شيكىزات ساتىپ الۋعا ارنالعان شىعىندارىن سۋبسيديالاۋ سياقتى مەملەكەتتىك قولداۋدىڭ بارلىق شارالارى ساقتالدى. جالپى، ۇلتتىق جوبانى ىسكە اسىرۋ ناتيجەسىندە بەس جىل ىشىندە تاماق ونىمدەرىن ءوندىرۋ كولەمىن 1,5 ەسەگە ۇلعايتۋ، سونداي-اق سالاعا 700 ميلليارد تەڭگەگە دەيىن ينۆەستيتسيا تارتۋ جوسپارلانىپ وتىر، بۇل قوسىمشا 7 مىڭ ادامدى جۇمىسپەن قامتاماسىز ەتەدى»، - دەدى مينيستر.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات