جەلتوقسان ايىندا قازاقستاندا اۋا رايى قانداي بولادى؟
30 قاراشا 22:46

جەلتوقسان ايىندا قازاقستاندا اۋا رايى قانداي بولادى؟

نۇر-سۇلتان. قازاقپارات - جەلتوقسان ايىندا اۋا تەمپەراتۋراسى ق ر وڭتۇستىك جارتىسىندا نورما شاماسىندا بولادى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

ەلىمىزدىڭ سولتۇستىك جارتىسى مەن باتىسىندا اۋا تەمپەراتۋراسى نورمادان 1 گرادۋس جوعارى. جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا، وڭتۇستىك-باتىس جارتىسىندا نورمادان از، ەلىمىزدىڭ شىعىس جارتىسىندا جانە قيىر سولتۇستىك-باتىسىندا نورمادان كوپ دەپ بولجانىپ وتىر.

ايدىڭ باسىندا سكانديناۆيا اۋداندارىنان سولتۇستىك-باتىس تسيكلونىمەن بايلانىستى اتموسفەرالىق فرونتتار تۇراقسىز اۋا رايىن انىقتايدى. الدىمەن باتىستا، سودان كەيىن ق ر قالعان اۋماعىنا ىقپالىن تيگىزەدى.

جاۋىن-شاشىن جاۋادى، كوبىنە قار تۇرىندە، وڭتۇستىك ايماقتاردا جاڭبىر سوڭى قارعا ۇلاسادى.

ايدىڭ ورتاسىندا ەلدىڭ وڭتۇستىك-شىعىس جارتىسىنىڭ تاۋلى جانە تاۋ بوكتەرىندەگى اۋداندارىندا قاتتى جاۋىن-شاشىن جاۋادى. سونداي-اق تۇراقسىز اۋا-رايى جەلدىڭ كۇشەيۋى 15-23 م/س، بوران، تۇمان جانە كوكتايعاق قۇبىلىستارى بولجانادى.

جەلتوقساننىڭ العاشقى كۇندەرىندە ەلىمىزدىڭ باسىم بولىگىندەگى تۇرعىنداردى جىلى اۋا رايى قۋانتادى: سولتۇستىك جارتىسىندا اۋا تەمپەراتۋراسى تۇندە -10-18 گرادۋستان 0,-8 گرادۋسقا دەيىن، كۇندىز -3-8 گرادۋستان -5+5 گرادۋسقا دەيىن جوعارىلايدى؛ رەسپۋبليكامىزدىڭ وڭتۇستىگىندە تۇندە -2+8 گرادۋس دەيىن، كۇندىز +10+18 گرادۋسقا دەيىن.

باتىس وڭىرلەردە، كەرىسىنشە، اۋا تەمپەراتۋراسى تۇندە 0,-8 گرادۋس، كۇندىز 0,+7 گرادۋسقا دەيىن تومەندەيدى دەپ كۇتىلۋدە.

ءبىرىنشى ونكۇندىكتىڭ ورتاسىنان باستاپ بارەنتس تەڭىزى اۋداندارىنان سولتۇستىك-باتىس انتيتسيكلوننىڭ باسىپ كىرۋىمەن اۋا تەمپەراتۋراسىنىڭ تومەندەۋى بولجانادى: باتىستا، سولتۇستىك- باتىستا تۇندە -7-15 گرادۋسقا دەيىن، كۇندىز -5-11 گرادۋسقا دەيىن؛ سولتۇستىكتە، ورتالىقتا، شىعىستا تۇندە -18-26 گرادۋسقا دەيىن، كۇندىز -10-18 گرادۋسقا دەيىن؛ وڭتۇستىك-باتىستا تۇندە 0, 5- گرادۋسقا دەيىن، كۇندىز +2+7 گرادۋسقا دەيىن؛ ءبىرىنشى ونكۇندىكتىڭ سوڭىندا وڭتۇستىكتە، وڭتۇستىك-شىعىستا تۇندە -5-13 گرادۋسقا دەيىن، كۇندىز 0, 5-گرادۋسقا دەيىن؛ ءبىرىنشى ونكۇندىكتىڭ سوڭىندا جانە ەكىنشى ونكۇندىكتىڭ باسىندا جەرورتا تەڭىزىنىڭ شىعىس جاعالاۋىنداعى اۋدانداردان جىلى اۋا ماسسالارىنىڭ كەزەكتى شىعارىلۋىمەن اياز السىرەيدى.

رەسپۋبليكانىڭ سولتۇستىك، شىعىس جانە ورتالىق ايماقتارىندا جەلتوقساننىڭ ءۇشىنشى ونكۇندىگىندە تۇندە -27-35 گرادۋسقا دەيىن، كۇندىز -18-25 گرادۋسقا دەيىن قارقىندى سۋىق تولقىندارى قايتادى.

قازاقستاننىڭ باتىس جانە وڭتۇستىك وڭىرلەرىندە اۋا تەمپەراتۋراسى تۇندە 5-15- گرادۋستان 0-5- گرادۋسقا دەيىن، كۇندىز 0، 10-گرادۋستان 0، 5+ گرادۋسقا دەيىن اۋىتقيدى دەپ بولجانادى.

ايدىڭ ورتاسىندا وڭتۇستىك جانە وڭتۇستىك- شىعىس ايماقتاردىڭ تۇرعىندارىن جىلى اۋا رايى كۇتەدى.

كۇندىزگى اۋا تەمپەراتۋراسى 10+ گرادۋسقا دەيىن بولجانادى. ايدىڭ ەكىنشى جانە ءۇشىنشى ونكۇندىكتەرىندە قارلى بوران مەن جەل ق ر سولتۇستىك جارتىسىندا جانە تاۋ بوكتەرىندە كۇشەيەدى.

جاڭالىقتار