پاۆلودار وبلىسى «ەڭ مەيىرىمدى ءوڭىر» اتاعىنا يە بولدى
3 جەلتوقسان 18:44

پاۆلودار وبلىسى «ەڭ مەيىرىمدى ءوڭىر» اتاعىنا يە بولدى

پاۆلودار. قازاقپارات - «قايىرىمدى ىستەر مارافونى» ۇلتتىق جوباسى اياسىندا ۇيىمداستىرىلعان «ەڭ مەيىرىمدى» بايقاۋىندا پاۆلودار وبلىسى «ەڭ مەيىرىمدى ءوڭىر» اتاعىنا يە بولدى، دەپ حابارلايدى قازاقپارات ءتىلشىسى.

اتالعان جوبا اياسىندا شىعىس قازاقستان وبلىسى II ورىن السا، قاراعاندى وبلىسى جۇلدەلى III ورىن يەلەندى.

پاۆلودار وبلىسى بۇل ماراپاتقا وڭىردە قايرىمدىلىق شارالارىنىڭ وتە كوپ ۇيىمداستىرىلۋىنىڭ ارقاسىندا يە بولىپ وتىر.

ەسكە سالا كەتەيىك، «قايىرىمدى ىستەر مارافونى» جالپىۇلتتىق جوباسى ازاماتتىق باستامالاردى قولداۋ ورتالىعى مەن اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىپ جاتىر.

جوبانىڭ باستى ماقساتتارىنىڭ ءبىرى - جاقسىلىققا جانى قۇمار ادامداردى بىرىكتىرۋ جانە ۇيىمداستىرۋ، قوعام مەن ادامداردىڭ ءومىرىن جاقسى جاققا وزگەرتۋگە مۇمكىندىك بەرەتىن، جومارتتىق پەن جاقسىلىق يدەياسىنا نەگىزدەلگەن قوعام قۇرۋ.

اۆتور: ريزابەك نۇسىپبەك ۇلى

جاڭالىقتار