USD 416.91 EUR 446.47
RUB 7.34 CNY 62.53
جاڭالىقتار

«قازاقستان حالقىنا» قورى قۇرىلدى

15 قاڭتار 13:58
:ءبولىسۋ
«قازاقستان حالقىنا» قورى قۇرىلدى

نۇر-سۇلتان. قازاقپارات - مەملەكەت باسشىسى قاسىم-جومارت كەمەل ۇلى توقايەۆتىڭ تاپسىرماسى بويىنشا «قازاقستان حالقىنا» قوعامدىق الەۋمەتتىك قورى (ق ءا ق) قۇرىلدى، دەپ حابارلايدى قازاقپارات.

قور كەلەسى مىندەتتەردى ورىندايتىن بولادى:

- قازاقستان رەسپۋبليكاسىنىڭ حالقىنا دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ، مادەنيەت جانە سپورت سالالارىندا مەملەكەتتىك قولداۋ شارالارىنان تىس قوسىمشا قامتاماسىز ەتۋ ماسەلەلەرى بويىنشا قايىرىمدىلىق كومەك كورسەتۋ؛

- توتەنشە جاعدايلار كەزىندە جانە توتەنشە جاعداي رەجيمىن ەنگىزۋ كەزىندە قازاقستان رەسپۋبليكاسىنىڭ زارداپ شەككەن حالقىنا كومەك كورسەتۋ؛

- حالىقتىڭ الەۋمەتتىك وسال توپتارى جانە وسال توپ بالالارىنا سپورتتىق ينفراقۇرىلىمنىڭ دامۋى جانە قولجەتىمدىلىگىن ارتتىرۋ بويىنشا جاردەمدەسۋ؛

- قازاقستان رەسپۋبليكاسىنىڭ اۋماقتىق تۇتاستىعى مەن قاۋىپسىزدىگىن قورعاۋ كەزىندە قازا تاپقان قۇقىق قورعاۋ ورگاندارى، ارنايى ورگاندار قىزمەتكەرلەرىنىڭ، اسكەري قىزمەتشىلەردىڭ وتباسىلارىنا جانە باسقا دا كومەككە مۇقتاج جاندارعا قول ۇشىن سوزۋ، قولداۋ؛

- قور قىزمەتىنىڭ باسقا باعىتتارى بويىنشا قايىرىمدىلىق كومەك كورسەتۋ.

قوردى قارجىلاندىرۋ جەكە كوزدەردەن، حالىقارالىق قايىرىمدىلىق ۇيىمدارىنىڭ قاراجاتىنان، لوتەرەيا قىزمەتى وپەراتورىنىڭ، ستاۆكالاردى ەسەپكە الۋ ورتالىعىنىڭ جانە باسقا دا مونوپوليستەردىڭ مىندەتتى اۋدارىمدارىنان، ءىرى بيزنەس تاراپىنان تۇراقتى اۋدارىمدارىنان، قايىرىمدىلىققا، ونىڭ ىشىندە كۆازيمەملەكەتتىك سەكتورعا ارنالعان قاراجاتتان جۇزەگە اسىرىلاتىن بولادى. قوردىڭ قامقورشىلىق كەڭەسى «قازاقستان حالقىنا» ءبىراۋىزدان ق ءا ق ءتوراعاسى قىزمەتىنە بولات جامىشيەۆتىڭ كانديداتۋراسىن ۇسىنىپ، قولدادى.

«قازاقستان حالقىنا» ق ءا ق - نىڭ جوعارى باسقارۋ ورگانى رەتىندە قورعا قاتىسۋشىلاردىڭ جالپى جينالىسى، باقىلاۋشى ورگان رەتىندە قامقورشىلىق كەڭەس، اتقارۋشى ورگان بولىپ باسقارما جانە باقىلاۋشى ورگان بولىپ تەكسەرۋ كوميسسياسى تاعايىندالادى.

بيزنەس- قوعامداستىقتىڭ وكىلدەرى مەن كومەك رەتىندە قول ۇشىن سوزعىسى كەلەتىن ازاماتتار «قازاقستان حالقىنا» قورىنىڭ شوتىنا كەلەسى رەكۆيزيتتەر بويىنشا قاراجات اۋدارا الادى:

«قازاقستان حالقىنا» قوعامدىق قورى، ج س ن/ب س ن: 220140006999، ك ب ە 18، KZ97601A871001692501 KZT، «قازاقستان حالىق بانكى» ا ق.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات