USD 416.91 EUR 446.47
RUB 7.34 CNY 62.53
جاڭالىقتار

الماتىدا قاقتىعىس كەزىندە پوليتسەيلەردىڭ سوققىعا جىعىلعان ءساتى تۇسىرىلگەن ۆيدەو جاريالاندى

16 قاڭتار 00:27
:ءبولىسۋ
الماتىدا قاقتىعىس كەزىندە پوليتسەيلەردىڭ سوققىعا جىعىلعان ءساتى تۇسىرىلگەن ۆيدەو جاريالاندى

الماتى. قازاقپارات - الماتىدا قاقتىعىس كەزىندە پوليتسەيلەردىڭ سوققىعا جىعىلعان ءساتى تۇسىرىلگەن ۆيدەو جاريالاندى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، ۆيدەو جيىنتىق 4-5- قاڭتار ارالىعىنداعى بەينەباقىلاۋ جۇيەلەرىنىڭ دەرەكتەرى مەن الەۋمەتتىك جەلىلەردەگى ماتەريالداردان دايىندالدى.

ەسكە سالا كەتەيىك، جۇزدەگەن اگرەسسيۆتى ادامدار تارتىپسىزدىكتەردى، توناۋدى جانە باسقا دا زاڭسىز ارەكەتتەردى باسۋ كەزىندە پوليتسيا قىزمەتكەرلەرىنە، اسكەري قىزمەتكەرلەرگە بىرنەشە رەت شابۋىل جاساپ، سوققىعا جىققان.

جالپى العاندا، لاڭكەستىك ارەكەتتەردىڭ جولىن كەسۋ جانە مەملەكەتتىك ورگانداردىڭ اكىمشىلىك عيماراتتارى مەن ستراتەگيالىق نىساندارىنا قارۋلى شابۋىلداردى تويتارۋ كەزىندە الماتى پوليتسياسىنىڭ ءۇش قىزمەتكەرى قازا تاپتى، تاعى 185 ءتارتىپ ساقشىسى جاراقات الدى، ولاردىڭ ەكەۋىنىڭ جاعدايى اۋىر.

قاڭتاردىڭ 5 ءى كۇنى المالى اۋداندىق پوليتسيا باسقارماسى جانىنداعى پوليتسيا ءبولىمىنىڭ اكىمشىلىك عيماراتىنا جاسالعان شابۋىلعا تويتارىس بەرۋ كەزىندە ەكى پوليتسيا قىزمەتكەرى الەن اسىلحانوۆ پەن رينات قامبەتوۆ جاراقات الىپ، وقيعا ورنىندا قازا تاپتى.

تاعى ءبىر ءتارتىپ ساقشىسى نۇربولسىن الماسوۆ ستراتەگيالىق ماڭىزى بار نىسانداردىڭ ءبىرىن قورعاۋ كەزىندە مەرت بولدى.

اسكەري جانە قىزمەتتىك بورىشىن وتەۋ كەزىندە كورسەتكەن باتىلدىعى مەن جانقيارلىعى، سونداي-اق مەملەكەت مۇددەسىن قورعاۋداعى ەرلىكتەرى ءۇشىن بۇل پوليتسيا قىزمەتكەرلەرى Ⅲ دارەجەلى «ايبىن» وردەنىمەن ماراپاتتالدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات