USD 416.91 EUR 446.47
RUB 7.34 CNY 62.53
جاڭالىقتار

الماتىدا ۇرلانعان تەحنيكانى ساتپاق بولعان اتىراۋلىق ازامات ۇستالدى

16 قاڭتار 01:16
:ءبولىسۋ
الماتىدا ۇرلانعان تەحنيكانى ساتپاق بولعان اتىراۋلىق ازامات ۇستالدى

الماتى. قازاقپارات - الماتىدا دۇكەن توناعان كۇدىكتىنى ناۋرىزباي اۋداندىق پوليتسيا باسقارماسىنىڭ جەدەل ۋاكىلدەرى انىقتادى، دەپ حابارلايدى قازاقپارات ءتىلشىسى.

22 جاستاعى ت. ەسىمدى ازامات تيميريازيەۆ كوشەسىندەگى «بەلىي ۆەتەر» دۇكەنىنەن ۇرلاعان تەحنيكانى ساتۋعا قويعان.

پوليتسيا مالىمەتىنشە، قاسكوي ءوزىنىڭ ۋاقىتشا تۇرعىلىقتى جەرىندە ۇستالدى. ونىڭ ۇيىنەن 7 نوۋتبۋك، 12 ۇيالى تەلەفون، 3 فلەش-كارتا، 2 كولونكا، 2 جۇپ قۇلاققاپ، ۇيالى تەلەفونعا ارنالعان اكسەسسۋارلار، كوزىلدىرىكتىڭ جيەكتەرى تابىلىپ، تاركىلەندى.

«جاۋاپ الۋ بارىسىندا كۇدىكتى جوعارىدا اتالعان زاتتاردى جاپپاي تارتىپسىزدىك كەزىندە تەحنيكا دۇكەنىنەن ۇرلاعانىن مويىندادى. قىلمىستىق ءىس ارى قاراي تەرگەۋ ءۇشىن بوستاندىق اۋداندىق پوليتسيا باسقارماسىنا جىبەرىلدى. قىلمىستىڭ سىبايلاستارى انىقتالۋدا. كۇدىكتى ۋاقىتشا ۇستاۋ يزولياتورىنا قامالدى»، - دەدى پوليتسيا باسقارماسىندا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات