USD 416.91 EUR 446.47
RUB 7.34 CNY 62.53
جاڭالىقتار

توكيو ۋنيۆەرسيتەتىندەگى قابىلداۋ ەمتيحانى الدىندا ءبىر جاس ءوسپىرىم ءۇش ادامعا پىشاق سالعان

16 قاڭتار 01:49
:ءبولىسۋ
توكيو ۋنيۆەرسيتەتىندەگى قابىلداۋ ەمتيحانى الدىندا ءبىر جاس ءوسپىرىم ءۇش ادامعا پىشاق سالعان

توكيو. kyodo-قازاقپارات - سەنبى كۇنى توكيو ۋنيۆەرسيتەتىنىڭ جانىندا جالپىۇلتتىق قابىلداۋ ەمتيحاندارى الدىندا ەكى ورتا مەكتەپ وقۋشىسى مەن ءبىر ەر ادامدى پىشاقتاپ كەتتى، دەپ حابارلايدى قازاقپارات kyodo اگەنتتىگىنە سىلتەمە جاساپ.

بۇعان كۇدىكتى جاس ءوسپىرىم قاماۋعا الىندى. پوليتسيانىڭ حابارلاۋىنشا، تاڭعى ساعات 8:30 شاماسىندا ۋنيۆەرسيتەتتىڭ باس قالاشىعىنا اپاراتىن قاقپالاردىڭ ءبىرىنىڭ الدىندا ۇلگەرىمى ناشار تالاپكەر 72 جاستاعى ەر ادام مەن 17 جانە 18 جاستاعى ەكى ستۋدەنتتىڭ ارقاسىنان پىشاق سۇققان.

«مەن جاقسى وقىمادىم، سوندىقتان وسىنداي قىلمىس جاساپ، ولگىم كەلدى»، - دەدى كۇدىكتى، ناگوياداعى جەكە ورتا مەكتەپ وقۋشىسى.

«مەن توكيو ۋنيۆەرسيتەتىندە دارىگەر بولۋ ءۇشىن وقىدىم، ءبىراق ءبىر جىل بويى ۇلگەرىمىم ناشار بولدى جانە وزىمە دەگەن سەنىمىمدى جوعالتتى، - دەگەن جاس ءوسپىرىمنىڭ ءسوزىن كەلتىرەدى پوليتسيا.

ول پوليتسياعا توكيوعا سەنبى كۇنى تاڭعى ساعات 6 دا جەتۋى ءتيىس جەدەل اۆتوبۋسپەن بارعانىن ايتتى، ال تەرگەۋ جۇرگىزۋدەگى دەرەككوز ونىڭ اتا-اناسى جۇما كۇنى كەشكە ايچي پرەفەكتۋرالىق پوليتسياسىنا ۇلىنىڭ جوعالىپ كەتكەنى تۋرالى حابارلاعانىن ءمالىم ەتتى.

كامەلەتكە تولماعاندىقتان اتى-ءجونى جاريالانباعان. شابۋىل جاساۋشى قولدانعان پىشاقتى توكيودان 250 شاقىرىم جەردەگى ۇيىنەن اكەلگەنىن ايتتى.

پوليتسەيلەر كەلگەن كەزدە ول وقيعا بولعان جەردە وتىرعان، قاسىنان قانعا بويالعان 12 سانتيمەترلىك ءجۇزى بار اسحانا پىشاعى تابىلعان.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات