USD 416.91 EUR 446.47
RUB 7.34 CNY 62.53
جاڭالىقتار

الماتىدا بۇلىك كەزىندە زارداپ شەككەن ساربازداردىڭ جاعدايى قالاي

16 قاڭتار 11:34
:ءبولىسۋ
الماتىدا بۇلىك كەزىندە زارداپ شەككەن ساربازداردىڭ جاعدايى قالاي

الماتى. قازاقپارات - الماتىدا «پاترۋل» سەريالىنا تۇسكەن اكتەرلار مەدەت امانبايەۆ پەن مەيىرحان شەرنيازوۆ اۋرۋحاناعا بارىپ، جاپپاي تارتىپسىزدىك كەزىندە زارداپ شەككەن پوليتسەيلەردىڭ جاعدايىن ءبىلدى، دەپ حابارلايدى قازاقپارات ءتىلشىسى.

«ازاماتتارعا، ولاردىڭ قاۋىپسىزدىگىنە ناقتى قاۋىپ ءتوندى. پوليتسيا مەن اسكەري قىزمەتكەرلەرگە ءوز ءومىرى مەن دەنساۋلىعان قاۋىپكە تىگە وتىرىپ، قىلمىستىق ارەكەتتەردى توقتاتقانى ءۇشىن العىس ايتامىز. ءبىز قالانى قورعاعان پوليتسيا قىزمەتكەرلەرىن قولدايمىز»، - دەدى اكتەرلەر.

بەلگىلى بولعانداي، كەشە ءتارتىپ ساقشىلارىنىڭ بىرىنە كۇردەلى وتا جاسالعان.

قىلمىسكەرلەر جۇك كولىگىمەن ونىڭ ەكى اياعىن قاساقانا باسىپ وتكەن. سونداي-اق، بۇگىن الماتى قالالىق پوليتسيا دەپارتامەنتى باستىعىنىڭ ورىنباسارى ايدىن قابدۋلدينوۆ ارىپتەستەرىنە بارىپ، ولاردىڭ دەنساۋلىق جاعدايلارىن ءبىلىپ قايتتى.

«ىشكى ىستەر مينيسترلىگى، قالالىق پوليتسيا دەپارتامەنتى باسشىلىعى جەكە قۇرامى جانە بارشا قازاقستاندىقتاردىڭ اتىنان ءبىز جاپپاي تارتىپسىزدىكتى رەتتەۋ كەزىندە زارداپ شەككەن ارىپتەستەرىمىزگە بارىپ، ولاردىڭ دەنساۋلىق جاعدايلارىن بىلدىك. ءبىز ولاردىڭ تەز ساۋىعىپ كەتۋىن جانە ازاماتتاردىڭ قاۋىپسىزدىگى مەن ەلدەگى تۇراقتىلىق ءۇشىن جاقىن ارادا قىزمەتكە كىرىسۋىنە تىلەكتەسپىز»، - دەدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات