USD 416.91 EUR 446.47
RUB 7.34 CNY 62.53
جاڭالىقتار

الماتىلىق قۇتقارۋشىلار تۇرعىندارعا تاۋعا شىقپاۋعا كەڭەس بەردى

17 قاڭتار 08:31
:ءبولىسۋ
الماتىلىق قۇتقارۋشىلار تۇرعىندارعا تاۋعا شىقپاۋعا كەڭەس بەردى

الماتى. قازاقپارات - اۋا رايىنىڭ ناشارلاۋىنا بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى، دەپ حابارلايدى قازاقپارات ءتىلشىسى.

«قازگيدرومەت» تاراتقان ەسكەرتۋ نەگىزىندە الماتىنىڭ توتەنشە جاعدايلار قىزمەتى تۇرعىندارعا تاۋعا شىقپاۋعا كەڭەس بەرەدى. 17-19 قاڭتار كۇنى تاۋلى ايماقتاردا قالىڭ تۇمان ءتۇسىپ، كوكتايعاق بولادى. سولتۇستىك- باتىستان سەكۋندىنا 15-20 مەتر جەل سوعادى. جاۋىن- شاشىن كۇتىلەدى. وسىعان بايلانىستى ت ج د الماتى تۇرعىندارى مەن قوناقتارىنا مىناداي قاۋىپسىزدىك شارالارىن ساقتاۋدى ۇسىنادى:

- قاتتى جاۋىن- شاشىن ( قار، جاڭبىر) نەمەسە قاتتى داۋىل تۋرالى ەسكەرتۋ جاريالانعان جاعدايدا، تاۋلى ايماققا بارۋدى كەيىنگە قالدىرعان دۇرىس؛

- ەگەر ءسىز كىشىگىرىم توپىراق كوشكىندەردى بايقاساڭىز، وندا تاۋعا بارماعانىڭىز ءجون. قارقىندى جاۋىن- شاشىن تۇسكەن جاعدايدا تومەن تاۋلى ايماقتا توپىراق كوشكىنى بولۋى مۇمكىن؛

- ەگەر ءسىز تاۋدا بولساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز؛

- ەگەر ءسىز تاۋ بوكتەرىندە قاردىڭ جىلجۋىن، قاردىڭ تۇيىرشىكتەرىن بايقاساڭىز، وندا تاۋلارعا بارماعانىڭىز ءجون- بۇل قاردىڭ تۇراقسىز كۇيدە ەكەنىن، كوشكىننىڭ قاۋىپى مۇمكىن ەكەنىن بىلدىرەدى؛

- ۇيگە قايتۋدى تاۋلىكتىڭ كەش ۋاقىتىنا كەشىكتىرمەڭىز، كەرى باعىتتى تابا الماۋىڭىز مۇمكىن؛

- ريۋكزاكتاردا مىنالار بولۋى ءتيىس: جىلى كيىمدەر، كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق بولمايدى؛

- ەشبىر جاعدايدا تاۋعا جالعىز بارماڭىز؛

- تۋعان- تۋىستارىڭىز بەن جاقىندارىڭىزدى مارشرۋتىڭىزدىڭ باعىتى جانە ورنالاسقان جەرىڭىزدى بارىنشا تولىق حاباردار ەتۋ وتە ماڭىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات