USD 416.91 EUR 446.47
RUB 7.34 CNY 62.53
جاڭالىقتار

الماتىدا لاڭكەستەر قانداي تاكتيكا قولدانعانى بەلگىلى بولدى

17 قاڭتار 10:02
:ءبولىسۋ
الماتىدا لاڭكەستەر قانداي تاكتيكا قولدانعانى بەلگىلى بولدى

نۇر- سۇلتان. قازاقپارات - لاڭكەستەر پوليتسيانى شارشاتىپ، كۇشتەردى وسال ەتۋ ءۇشىن ءتۇرلى تاسىلدەر قولداندى.

بۇل تۋرالى بۇگىن ورتالىق كوممۋنيكاتسيالار قىزمەتىندە الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ ءمالىم ەتتى، دەپ حابارلايدى قازاقپارات ءتىلشىسى.

«بيلىكتىڭ بەدەلىنە نۇقسان كەلتىرۋ ءۇشىن قىلمىسكەرلەر پوليتسەيلەر مەن اسكەري قىزمەتكەرلەردىڭ كيىمىن كيىپ العان. الاڭنىڭ پەريمەترى مەن قالانىڭ ورتالىق كوشەسىندە 493 بەينەباقىلاۋ كامەراسى ىستەن شىققان. جولدارعا توسقاۋىل قويىلدى، پەريمەترلەر اينالىسىنا باقىلاۋشىلار ورنالاستىرىلعان. 4-5 ادامنان قۇرالعان لاڭكەستەر باسىپ العان كولىكتەرمەن مەملەكەتتىك ءنومىرسىز جۇرگەن»، - دەدى قانات تايمەردەنوۆ. ونىڭ ايتۋىنشا، قوزعالىس كەزىندە ولار پوليتسيا جاساقتارى مەن بلوكپوستتارعا وق اتقان.

«قارۋ- جاراق پەن اسكەري تەحنيكانى تارتىپ الۋ ماقساتىندا قورعانىس مينيسترلىگىنىڭ اسكەري بولىمدەرىنە شابۋىل جاسالدى. ولار الماتى حالىقارالىق اۋەجايىن باسىپ العان. ساۋدا جانە ويىن- ساۋىق ورتالىعىنا، قارجى عيماراتتارىنا شابۋىلدار جاسالدى. قالانىڭ ءار تۇكپىرىنەن ءبىر مەزگىلدە ءارتۇرلى عيماراتتارعا «مينا» قويىلعانى، اتىس- شابۋىل تۋرالى جالعان حابارلامالاردىڭ كوپتەپ تۇسكەنىن اتاپ وتكىم كەلەدى. بۇل تاكتيكانى لاڭكەستەر پوليتسيانى شارشاتىپ، كۇشتەردى وسال ەتۋ ءۇشىن قولدانعان»، - دەدى دەپارتامەنت باسشىسى.

بۇدان بۇرىن حابارلانعانداي، 5 -قاڭتار كۇنى تاڭەرتەڭ الماتىدا قالا ورتالىعىنا ءبىر مەزگىلدە 20 مىڭ ادام جينالدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات