USD 416.91 EUR 446.47
RUB 7.34 CNY 62.53
جاڭالىقتار

تۇركىستان وبلىسىندا تۇرعىنداردان قارۋ، ەسىرتكى جانە ءدىني سيپاتتاعى ماتەريالدار تابىلدى

17 قاڭتار 12:02
:ءبولىسۋ
تۇركىستان وبلىسىندا تۇرعىنداردان قارۋ، ەسىرتكى جانە ءدىني سيپاتتاعى ماتەريالدار تابىلدى

تۇركىستان. قازاقپارات - تۇركىستان وبلىسى پوليتسيا دەپارتامەنتىنىڭ قىزمەتكەرلەرى قارۋ مەن ەسىرتكى جانە ءدىني سيپاتتاعى ماتەريالداردى زاڭسىز ساقتاۋمەن اينالىسقان تۇرعىنداردى انىقتادى، دەپ حابارلايدى قازاقپارات ءتىلشىسى.

بۇگىندە ازاماتتاردىڭ قاۋىپسىزدىگى مەن قوعامدىق ءتارتىپتى قامتاماسىز ەتۋ ماقساتىندا تۇركىستان وبلىسى اۋماعىندا «قۇقىقتىق ءتارتىپ» جەدەل الدىن الۋ ءىس- شاراسى وتۋدە. اتالعان شارانىڭ بارىسىندا پوليتسيا قىزمەتكەرلەرى قارۋ مەن ەسىرتكى جانە ءدىني سيپاتتاعى ماتەريالداردى زاڭسىز ساقتاۋمەن بايلانىستى 7 جايتتى انىقتادى. ماسەلەن، وتىرار اۋدانىنىڭ اۋماعىندا ۇستالعان جەرگىلىكتى تۇرعىننان ماريحۋانا سالىنعان قاعاز وراما مەن 36 پاترونى بار تىركەلمەگەن ەكى ۇڭعىلى اڭشى مىلتىعى تاركىلەندى. سونداي- اق كۇدىكتىدەن ءدىني سيپاتتاعى 20 دان استام كىتاپ، بروشيۋرالار مەن جۋرنالدار الىندى.


ال، تۇلكىباس اۋدانىندا جەدەل ۋاكىلدەر ەر ازاماتتان تىركەلمەگەن تاپانشا مەن 16 كاليبرلى شولاق مىلتىقتى تاپسا، كەنتاۋ قالاسىنىڭ تۇرعىنىنان ماريحۋانا مەن مەتالل كاستەتتى تاركىلەندى. جەتىساي اۋدانىندا جەدەل- ىزدەستىرۋ ءىس- شارالارى بارىسىندا پوليتسيا قىزمەتكەرلەرى تىركەلمەگەن گازدى تاپانشاسى بار كۇدىكتىنى ۇستادى. ودان ءتۇرلى كاليبرلى 20 دان استام وق- ءدارى، مەتالل جانە اعاش دۋبينكالار مەن «ماريحۋانا» سالىنعان وراما تابىلدى. ماقتاارال تۇرعىنىنان 16 كاليبرلى شولاق مىلتىق، ال ورداباسىلىق ازاماتتان 12 كاليبرلى شولاق مىلتىق تاركىلەنگەن. سارىاعاشتىق جەدەل ۋاكىلدەر تىركەلمەگەن تراۆماتيكالىق تاپانشاسى بار اۋدان تۇرعىنىن ۇستادى.

«بۇگىنگى تاڭدا، بارلىق ىستەر بويىنشا سوتقا دەيىنگى تەرگەۋ امالدارى جۇرگىزىلۋدە. ءبىرقاتار ساراپتامالار تاعايىندالدى. ۇستالعانداردىڭ باسقا دا ۇقساس قىلمىستارعا قاتىسى بار- جوعى انىقتالۋدا» دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات